خلافاتنا مع الكنيسة الكاثوليكية !! (دراسة عميقة)

[جوانا]

"نِلتُ كُلَ سُلطانٍ في السَّماءِ والأرضِ. فاَذهبوا وتَلْمِذوا جميعَ الأُمَمِ، وعَمَّدوهُم باَسمِ الآبِ والابنِ والرٌّوحِ القُدُسِ، وعلَّموهُم أن يَعمَلوا بِكُلٌ ما أوصَيْتُكُم بِه، وها أنا مَعكُم طَوالَ الأيّامِ، إلى اَنقِضاءِ الدَّهرِ"

هي عقيدة ليست لتوسيع السلطة التعليمية لكن تحديد لسلطة الكنيسة في التعاليم والعقائد

بدي اقلك شي
القرار بالكنيسة الاورثودكسية بيتاخذ بالاجماع بين البطاركة الاورثودكسين
او كل واحد عكيفه

[Maximos]

رجاء محبة .. اختي جوانا ..

خلينا نخلص من النقطة اللي عم نحكي فيها :

أثبتت من الانجيل أن بطرس ليس هو أول بطريرك لروما و أنه لم يكن معصوماً بتعليمه ( الذي جزء منه تصرفاته )

هل اقتنعتي بهذه الفكرة ؟؟ .. .. أم أن عندك ما يناقضها ؟؟

[جوانا]

انا وجهتلك سؤال
كيف بتخدو او بعلنو او بوضحو عقيدة بالكنيسة الاورثودكسية كاستفسار منشان اعرف اكمل النقاش معك ومن اي نقطة انطلق

[Maximos]

فيكي تشوفي الجواب بالتفصيل على هالرابط :

http://www.orthodoxonline.org/forum/...مسكونية

[جوانا]

شو الشعب الي بقرر ميمكن الشعب كله يكون مهرطق و يمكن يكونوا ميالين على شي على حساب شي

[Maximos]

شو اللي بدك توصليلو ؟؟
و أيو ممكن حدوثو أكتر : إنو شعب يهرطق أو إنو شخص يهرطق ؟؟

نحن عم نناقش هون موضوع عقيدة عصمة البابا ..

بتمنى إنو ترجعي للمشاركة 29 و تجاوبي قبل فتح أي نقطة تانية ..

[جوانا]

بدي اوصلك اياه
انه انت قلت انه بطرس اخطأ صح
وهذا الكلام يتناقض مع اكبر القديسين بالكنيسة الاورثودسة و اكبر اللاهوتيين بالكنيستين و هو يوحنا ذهبي الفم
بتمنى تراجع هالشي و تدقق
ثاني شي الي بدي اصلو
الشعب ممكن يهرطق اذا بختار الشعب العقيدة
لذلك الله يلهم لرجال الدين بالعقائد
من اجل توضيحها مثلا

[Maximos]

مهما كان القديس كلامو ما بيكون مُعتمد عنا أكتر من الانجيل اللي اعتمديتو الكنيسة جمعاء

بكل الأحوال .. يا ريت تجيبيلي النص و المصدر اللي عم تحكي عنو .. ( للاستزادة فقط )

و يا ريت كمان تقوليلي من وين جبتي هالكلام اللي بمشاركتك رقم 32 ..

ما عرفت بأي مقطع مكتوب من الموضوع اللي بالرابط مكتوب فيه عن الشعب اللي بيقرر .. !!

الشعب ممكن يهرطق اذا بختار الشعب العقيدة

الشعب هوّي الكنيسة .. الكنيسة هي عمود الحق و قاعدته ( 1 تيموثاوس 3 : 15 )

بينما البابوات شفتي الأمثلة الكتيرة عن انحرافاتهم العقائدية عبر الزمن بالموضوع الأساسي هون فوق ..

لذلك الله يلهم لرجال الدين بالعقائد

لكن الهرطقات مين اللي نشرها .. مو رجال دين كانوا مترأسينها ؟؟


+++++++++++++++++++++++++++++++++++++

إنتي مين مستعدة تصدقي أكتر : كلام الانجيل أو أي كلام تاني من أي شخص مهما كانت مكانتو ؟؟؟

هل ممكن تكذّبي الانجيل إذا إجا شي شخص مهما كانت مكانتو و قللك الانجيل عم يحكي غلط ؟؟؟

[شربل إندراوس]

أولاً مش بالضروري حدا يصدقني المهم انو انا أصدق حالي... وصراحة انا ما بهتم لرأي الناس انا عندي إله واحد... أما بالنسبة للعقائد فانا بطلت احب هذا الجدال ليس إلا... بس مع هيك بحب ألفت انو حكي جوانا مظبوت بالنسبة ليوحنا ذهبي الفم وانا قريت هذا الشي بموقع الأقباط الأورثودوكس فبراي القديس يوحنا هو عمل هيك خصوصي عشان يتعلموا اتباعو فهو شاف إنو إدا هو سكت وهو كان عارف إنو بولس راح يحكي فإذا سكت المعلم بسكتوا التلاميذ وبولس كان موجه حكيو لتلاميذ بطرس وهذا كان تواضع كبير من بطرس... أما إذا بدك تتأكد فإنت بمتناولك كتب اما انا لأ... وأنا مش راح ارجع للنقاش ومنشان أريحك إعتبرني خسرت مش أكثر ..... وأنا قلتا بكفيني إنو الكنيسة الكاثوليكية غير منحصرة على منطقة ببشروا يأفريقيا ببعثوا حركات لهون عملو طقس صيني عملوا طقس عبري للمسيحيين المتكلمين باللغة العبرية... بتمنى تتقبلوا عدم نقاشي بالعقائد... مع محبتي وشكراً....

[Maximos]

أما بالنسبة للعقائد فانا بطلت احب هذا الجدال ليس إلا.

بيكون جدال و مانو نقاش لما بيكون هدفك من الحوار شي تاني غير الحقيقة ..

انتا مشان شو شاركت ؟؟؟ مشان تبحث عن الحقيقة ؟؟ أو إنو بس بدك تقول إنو الكثلكة صح .. سوا كانت فعلاً على حق بهالنقطة أم لأ ؟؟؟

إذا الحقيقة .. عم نتناقش لنوصل إلها ..
أما الاحتمال التاني .. بيعني فقط التعصب للكثلكة .. و أنا ما بتمنالك تكون هيك .. لأنو : " ينبغي أن يُطاع اللـه أكثر من الناس " ( أعمال 5 : 29 )

و اللـه = الرب = المسيح = " الطريق و الحق و الحياة " ( يوحنا 14 : 6 )

أما بالنسبة للعقائد

أما بالنسبة للعقائد حبيبنا يا ريت تقرا المشاركة 17 اللي كتبها حبيبنا طاناسي بهالموضوع : هل الكنيسة منقسمة ؟

وأنا قلتا بكفيني إنو الكنيسة الكاثوليكية غير منحصرة على منطقة ببشروا يأفريقيا ببعثوا حركات لهون عملو طقس صيني عملوا طقس عبري للمسيحيين المتكلمين باللغة العبرية...

إذا كان هادا هوّي الأساس اللي ماشي عليه لازم تصير بروتستانتي .. لأنو اللي عم يعملوه أكتر من اللي عم يعملو الكاتوليك بكتييييييييييير ..


أما أنا - عن حالي - ما بيهمني كللللللل هالقصص .. أنا هدفي هوّي المسيح .. و المسيح هوّي الحق .. مشان هيك بحثت .. و كنت مستعد إلحق أي كنيسة بشوف فيها الحق و وجه الرب بشكل أكتر .. و ما تعللقت بالكنيسة اللي منها أبي و أمي ..

لأنو هدفي أكبر من إني أحصروا بتعصب مقيت ..


***********************

أما موضوع القديس يوحنا الذهبي الفم ( اللي حكيتو عنو و ما عطيتوني و لو رابط ) .. حتى لو كان صحيح .. رح إسألك :

هوّي عندك أهم من كلام الانجيل ؟؟؟؟


**********************

اختي جوانا ..

و إنتي على شو عم تبحثي ؟؟؟ عن تعصب للكثلكة ؟؟؟ أو عن وجه الرب = الحق ؟؟؟

من خلال اشتراكك بهالموضوع رح نعرف ( انا و انتي ) ..


بطلب منكم تسامحوني عن أي إساءة شخصية .. و اذكروا ضعفي بصلواتكم