إنغلاق أم تعصب

[سمعان اللاهوتى]

[align=justify]
أخي الحبيب maximous the roman

لماذا أنت قبطي؟ هل وراثة أم اقتناع؟ إذا كان وراثة، وجب عليك أن تبحث عن الحقيقة بصدق وتلتصق بها أينما وجدتها، ولا مانع من أن يكون هدف زيارتك للكنائس هدف معرفي، والتكلم مع الآباء الكهنة في أمور العقيدة والإيمان. أما إذا كانت اقتناع، فلماذا تريد الذهاب إلى كنائس روم أرثوذكس أصلاً؟ فلا يصح أن تعرج بين الفرقتين، وبالتأكيد لا يصح أن تتناول من كلا الكنيستين، لأنه لا وحدة إيمان بينهما.

صلواتك
[/align]

بالنسبة لسؤالك أخى يوحنا الدرجى،،
أنا معتنق القبطية بالوراثة و علشان أكون صريح معاك أنا مش مقتنع 100% بها بس أنا فى وضع دلوقتى ولا هو وضع عدم أقتناع القبطية و لا هو أقتناع بالرومية ، أنا لا أؤمن أن الكنيسة الرومية مهرطقة و مجامعها الى حد ما صحيحة ده من الناحية الايمانية لكن من الناحية الروحية و ده اللى أختبرته فى الكنيسة القبطية ممتازة فى الروحانيات ، كفاية القداس القبطى اللى هو جبار بالحقيقة ، أنا دلوقتى مقدرش أقول على الأقباط أنهم مهرطقون و لا أرفض ديسقوروس ولا ساويروس علشان كده مينفعش أغير مذهبى مدام أنا لسة فى جزء من الأقتناع بالقبطية ، أنا حاطط فى الحسبان فكرة أنى أغير لكن ده هيتم بعد سنة أو سنتين لما أكون فضيت شوية للدراسة و أكون مسئول عن قرارى لأن الموضوع مش لعب عيال لو غيرت يبقى أنا محروم أنى احضر مع أهلى قداس و لا أتناول معاهم و بالتالى هيحصل مشاكل بينى و بين أهلى و أب أعترافى فلازم الموضوع يدرس كويس و يكون بالتدريج ، مثلاً أبتدى أروح الكنيسة الرومية علشان أعرفها و لما أندمج فيها أقارن بين الأيمانين لكن دلوقتى أنا شايف ان الكنيسة القبطية و الرومية عندهم أيمان صحيح بأختلاف المفاهيم و الله زى ما هو موجود فى القبطية ، موجود برضه فى الرومية
شكراً على ردك،،
الرب معك