إنغلاق أم تعصب

[John of the Ladder]

بالنسبة لسؤالك أخى يوحنا الدرجى،،
أنا معتنق القبطية بالوراثة و علشان أكون صريح معاك أنا مش مقتنع 100% بها بس أنا فى وضع دلوقتى ولا هو وضع عدم أقتناع القبطية و لا هو أقتناع بالرومية ، أنا لا أؤمن أن الكنيسة الرومية مهرطقة و مجامعها الى حد ما صحيحة ده من الناحية الايمانية لكن من الناحية الروحية و ده اللى أختبرته فى الكنيسة القبطية ممتازة فى الروحانيات ، كفاية القداس القبطى اللى هو جبار بالحقيقة ، أنا دلوقتى مقدرش أقول على الأقباط أنهم مهرطقون و لا أرفض ديسقوروس ولا ساويروس علشان كده مينفعش أغير مذهبى مدام أنا لسة فى جزء من الأقتناع بالقبطية ، أنا حاطط فى الحسبان فكرة أنى أغير لكن ده هيتم بعد سنة أو سنتين لما أكون فضيت شوية للدراسة و أكون مسئول عن قرارى لأن الموضوع مش لعب عيال لو غيرت يبقى أنا محروم أنى احضر مع أهلى قداس و لا أتناول معاهم و بالتالى هيحصل مشاكل بينى و بين أهلى و أب أعترافى فلازم الموضوع يدرس كويس و يكون بالتدريج ، مثلاً أبتدى أروح الكنيسة الرومية علشان أعرفها و لما أندمج فيها أقارن بين الأيمانين لكن دلوقتى أنا شايف ان الكنيسة القبطية و الرومية عندهم أيمان صحيح بأختلاف المفاهيم و الله زى ما هو موجود فى القبطية ، موجود برضه فى الرومية
شكراً على ردك،،
الرب معك

[align=justify]
أخي الحبيب

إذاً، أنت تبحث عن الحقيقة، فليكن إذاً مسارك يخدم هذا الإتجاه، أقصد عندما تدخل الكنيسة الأرثوذكسية، اعطِ خبر لأبونا إنك راح تحضر القداس لتتعرف على الأرثوذكسية، لأنك في حيرة من أمرك -مثلاً-، واطلب منه أن يشرح لك الطقوس ومعناها، وإيمان الكنيسة وعقيدتها. من وجهة نظري أن تبدأ، ومن على هذا الموقع، بالأمور التي فيها خلاف، وأكرر وأشد على كلمة خلاف وليس إختلاف كما تفضلتَ، فلا يعقل أن آباء الكنيسة الأرثوذكسية اغفلوا عن مثل هذا الأمر الشديد في الأهمية، وإلا لما كان من أهدافهم توحيد "الكنائس" إلى الكنيسة، وبالتالي باطلاً كان سعيهم وجهادهم، لأنهم لم يخدموا الكنيسة بصدق. أجده عسر التفوه به والتجرأ بالقول أنهم (أقصد آباء الكنيسة) لم يفهموا أن الأمر مجرد اختلاف في التعبير عن نفس المضمون.

صلواتك
[/align]