هو الحقيقة من المفيد جدا" فى هذه المناقشة انه يكون معانا طبيب .... أخى أليكسيوس انت متحامل بعض الشىء على مبدأ رفع الأجهزة عن المريض فى حالة موت المخ و انا اقول تانى موت المخ .... عدم وصول اكسجين للمخ لفترات طويلة يتسبب فى دموره شيئا" فشيئا" فلا تبقى له وظيفة يؤديها .... اعرف صديقة لى فى ولادتها حدث شىء من هذا القبيل مع الجنين و برغم إسعافه تبقى عنده شىء من الإعاقة الذهنية .... طبعا" نحن لسنا مع عدم الإسعاف حتى لو أدى لإعاقة ..لأ هذا واجب طبى و دينى ....و لكن إذا تأخر الإسعاف لفترة تزيد عن حد معين ينتهى عمل المخ تماما" .... للأسف انا مش عارفة اشرح الموضوع طبيا" ... لكن انا واثقة من كلامى لأن من سنوات استهوتنى دراسة بمعهد أكليريكى كاثوليكى و كان إسمها أخلاقيات الطب .... و كانت المادة بتدرس قضايا طبية مختلفة من وجهة نظر طبية و مسيحية فى نفس الوقت .... و كان من ضمنها هذا الموضوع .... و مدرس المادة كان طبيب و راهب يسوعى اسمه الأب نادر ميشيل .... و أعتقد ان له رسالة دكتوراه خاصة بهذا الموضوع و كتاب بأسمه ... للأسف أوراق المحاضرات تاهت منى و إلا كنت نقلت لكم منها تعريف الموت الإكلينيكى (الدماغى) ....فى مرحلة معينة يتحول المريض لجسد يتنفس فقط ....يتنفس بمساعدة آلة و ممكن يظل كذلك شهور و سنوات و لكنه منتهى طبيا" ..... و الحقيقة انا لا أعتقد انه لحد الآن لم يتوصلوا لتعريف الموت الدماغى ..... يا ريت بس دكتور يلحقنا يا جماعة فى الموضوع دا.... اما بالنسبة لمرض السرطان و الأيدز الذى يمكن الشفاء منهم فدول شىء تانى خالص .... ايوه ممكن .... لكن موت المخ لا يمكن الشفاء منه ... انتهى يعنى و تانى بقول إذا حدث بعض الإسعافات فى المرحلة الأولى و الأولى فقط بتكون نتيجته بعض الإعاقات فما بالك إذا تأخر وصول الأكسجين لفترات أطول ..... على فكرة كان من ضمن المادة دى موضوع أطفال الأنابيب و التلقيح الصناعى و الحمل المجهرى (الثلاثة مختلفين عن بعض و لكل منهم مصيبة طبية و أخرى دينية ) ممكن نتتطرق للموضوع دا بعد المناقشة دى لأنه فعلا" ناس كتير بيجهلوه و بيجهلوا مساوئه .... لكن انا رايى ان دى مناقشة لازم يقودها طبيب مع إحترامى للجميع ....بس بلاش الدكتور طناسى عشان دكتور طناسى دا مش تخصصه هو تخصصه تخدير يعنى يموتنا و يصحينا و حاجات كدا .....هههههههههههه ....عندى فكرة لو حد أستطاع إشراك الأب نادر ميشيل معنا فى المناقشة هتكون مفيدة اكتر..... و لا مفيش داعى عشان يسوعى .... و ممكن ندخل فى مشكلة طائفية و لا ايه .... انا مش عارفة.... للإدارة القرار ....لكن انا عن نفسى لا مانع عندى من الإستماع و فى الآخر ربنا انعم علينا بعقل نميز به ما هو خطأ و ما هو صواب .... و إلا لما كنت معكم حتى الآن فى المنتدى

تحياتى