ملاحظة هامة - يرجى الدخول هنا أولا ً

[Maximos]

قسم القصص الروحية القصيرة ..

منلاقي بهالقسم عدد كبير من هالقصص ..

لكن : شو مدى الفائدة ؟؟؟

و في منها قسم كبير بيحتوي على تعاليم ( أو ريحة تعاليم ) خطأ و ما بتتناسب مع التعليم القويم اللي لكنيستنا الأرثوذكسية ..

و أكيد السبب الرئيسي بهالموضوع هوّي إنو أغلب هالقصص ( إذا مو كلللها ) منقولة نسخ - لصق .. و على الأغلب ناشرها الأساسي مواقع غير أرثوذكسية .. مشان هيك شي طبيعي و حتمي إنو هالقصص تعبّر عن رأي ناشرها الأساسي .. و على الأغلب ما تكون مطابقة لإيمان كنيستنا القويم ..

مشان هيك بترجى من محبة الأخوة اللي تاركين الغذاء ا لروحي اللي ببقية أقسام المنتدى و مدمنين على هادا القسم ( أو فئة محددة ) إنو ما يكتفوا بهالأمر .. لأنو هادا ما بيقدم غذاء روحي حقيقي .. و ما بيزيد على إيماننا شي ..

هادا ((( فقط ))) محاكاة للعواطف .. و ممكن ببعض هالقصص يكون تنبيه على نقطة معينة .. بس بالنهاية لوحدو غيييييييييير كافي إطلاقا ً ..


ابتداء من اليوم - انشاللـه - رح يكون في غربلة لهالقصص الموجودة بهالقسم ( بشكل رئيسي + غير أقسام كمان ) ..

و رح تنحذف كتير مواضيع .. اللي فيها تعاليم غير مناسبة .. أو بتكون فيها ( ريحة هيك تعاليم ) زيادة حبتين ..

الهدف - و بعتقد هالأمر واضح - إنو نقدّم لأخوتنا الأحبة الإشيا المفيدة و نقلل من الإشيا اللي ممكن تعثر ..



اذكرونا في صلواتكم

[Maximos]

تحيّة محبة للجميع من جديد ..

بالحقيقة لاحظت إنو أكتر غلط لاهوتي متكرر بالقصص الروحية القصيرة هوّي مفهوم ( الكفارة ) = ( الرب دفع عنّك ) ...... = ....... = ........ الخ

مشان هيك بتأمل من محبة الأخوة إنو يقروا هالموضوع :

لماذا ترفض الأرثوذكسية نظرية الكفّارة

على :

http://www.orthodoxonline.org/forum/...ead.php?t=8290


صلواتكم