أختنا نهلة على كرسى الإعتراف

[بندلايمون]

مرحبا إخت نهلا يا وردة هذا البيت


سؤال بسيط
-إنتي قلتي أنو عندك ما في أمان أبدا والسؤال شو يلي بيخليكي تقعدي ببلد ما فيها أمان؟
-إخت نهلا إنتي أم. كيف تتعاملي مع أولادك بمجتمع غير يلي إنتي عشتي فيه؟؟

صلواتك

[Seham Haddad]

سلام نهله

الهيئه الاخوه مريحينك كتير


استعدي



السؤال الاول
ما هو افضل شئ بتحبي تقومي فيه يوميا

السؤال الثاني
هل تعرضت لمرحله كسل وتهاون في حياتك الروحيه وكيف استطعت التغلب عليها

السؤال الثالث
[glint]اذكريني بصلواتك [/glint]

[Nahla Nicolas]

بارك الرب حياتك اخي الغالي

-إنتي قلتي أنو عندك ما في أمان أبدا والسؤال شو يلي بيخليكي تقعدي ببلد ما فيها أمان؟.

اذا رجعنا لورا بعشر سنوات ما كان فيها كل هذا الاجرام وفكرنا كتير انو انصفي اشغالنا ونرجع ولكن كان الوقت كتير متأخر لانوا رئيسنا الحالي دكتادور ومنع اي مغترب انو يطلع اموالوا للخارج وناطرين الفرج
واتكلنا على الرب كبير لتكن مشيئة الرب بحياتنا وعنا امل انو نرجع يوم من الايام اذا الله راد

-إخت نهلا إنتي أم. كيف تتعاملي مع أولادك بمجتمع غير يلي إنتي عشتي فيه؟؟

كانت تربيتنا للاولاد صعبه شوى بسبب عوايدنا وتقليدنا عكس ما عايشين اولاد فنزويلا الحرية المطلقة
لقد نشأ أولادنا في غربة عن بلدهم، فأحطناهم بكل اهتمام وحرصنا على أن يكبروا تحت أعيننا في كل المراحل فكنت لهم الام والاخت والصديقة
وحتى منعتم من الاختلاط كتير بي شعبون لحد الان اولادي ما بيطلعوا من البيت الى اي محل لوحدون إجرنا على اجرون ونشكر الله مقتنعين وهنن كمان ما بحبوا هل بلد

صلوات القديسين ترافقك دائمآ

[Nahla Nicolas]

الهيئه الاخوه مريحينك كتير

نشكر الله في احلى من هيك اخوه بحبوا راحتي

السؤال الاول

ما هو افضل شئ بتحبي تقومي فيه يوميا

بصراحة حياتي روتين من الشغل الى البيت ومن البيت الى الشغل ولكن نشكر الله اصبحت حياتي وحياة اولادي لها معنى من اليوم الي اتعرفت فيه على المنتدى لاني انقل لهم كل يوم شي جديد من قصص روحية وموضيع روحية لهذا احس ان افضل شي بعملوا وقت بنقل لهم كل يوم موضوع جديد

السؤال الثاني
هل تعرضت لمرحله كسل وتهاون في حياتك الروحيه وكيف استطعت التغلب عليها

كانت ايام صعبه في هذا العالم الغريب ممكن السبب بعدي عن الكنيسة وعشت بغابه مليانه وحوش القوي بيأكل الضعيف ولا وجود للمحبه وان لم تكن ذئب اكلتك الذئاب او بدي كون مثلهم او بدي ارحل عنهم
عشت مثلهم ولكن فقدت حياتي الروحية وحسيت ان الرب ليس موجود ولكن الرب ادبني تأديبآ وحسيت اني مخنوقة واريد الخروج من هذه الغابة رفعت عيني الى السماء وبصرخت ندم صرخت اين انت يا الهي لماذا تركتني وبعدت عني وبدون شعور مني بدأت اردد ايها الملك السماوي المعذي روح الحق الحاضر في كل مكان في هذه الحظة طلبت من الرب ان يساعدني ويدير حياتي فكان الكتاب المقدس وكتاب المزامير هم غذائي الروحي لاتغلب فيهم على هذه الغربه الصعبه وبعدي عن الكنيسة

السؤال الثالث

اذكريني

صلوات القديسين ترافقك دائمآ