هلأ لهون ومن خلال الاقتباس، الكلام كلو حلو وعرفنا انو ممكن للشيطان يظهر بهيئة ملاك أو نور أو أي شي ما يدل على أنه شيطان، وعرفنا انو الشيطان بيعمل هذا الشي لحتى يوقعنا بالخطيئة ومشان ننجر وراه ونصدقه، بس.................... معقول اللي صار بهذا الظهور هو عمل شيطاني؟؟؟؟ معقول هالشيطان حب يوقع كل هالناس هيك دفعة وحدة؟؟؟ وكأنو هالشيطان راحت عليه نومة طويلة ولما فاق اكتشف انو في أكثر من 10 آلاف شخص نسي يوقعهم بالخطيئة واجته فكرة الظهور بالوراق وقال لحالو يالله دمار جماعي؟؟؟

هذا ما معقول!! ما معقول انو الرب بالأساس يسمح لهيك شي يصير!!! الله بيجربنا أكيد...... بس مو هيك!!!!! ولا بهالطريقة!!! الإنجيل بيأكد انو ما ممكن للرب انو يجربنا لفوق طاقتنا ولفوق قدراتنا ولفوق خيالنا!!!
اختي العزيزة مايدا .. إذا توفرلك الكتب اللي ذكرتها رح تلاحظي فيها كتير ظهورات على شكل المسيح و على شكل العدرا و على شكل ملائكة او قديسين و حتى على شكل اشخاص عاديين لدرجة غنو صديق هالشخص ما قدر يميز إنو هادا الشيطان مو رفيقو .. ( من سنكسار آباء مغاور كييف ) ..

أما هيّ الشغلة او الظهور .. فَ هيّ مو فوق الخيال .. كل اللي بيتطللبو الموضوع الاطلاع على حياة القديسين و الظهورات السابقة لحتى الواحد يعرف شو القصة ..

و اكيد إنو مو كل واحد انبسط و هلل لهالظهور رح يروح على جهنم .. الرب بيعرف جوّات كل واحد شو فيه ..

و رح إقتبس كلام سبق و اقتبستو من نفسي ( هههه ) بموضوع الظهورات المريمية :

من فيض كتابات الآباء ( للقديس ذياذوخوس فوتيكي ): سافر رب البيت ... وعاد من سفره ليلا ً... رفض عبده أن يفتح الباب ... خوفا ًمن أن يكون أحد اللصوص هو الطارق .... وعندما فتح له عند الصباح ... أي بعد أن تأكد 100% من أنه هو السيد ... فماذا تحسبون أن السيد فعل ؟؟!!! ...
أكرم السيد عبده لحرصه على ممتلكات السيد وأمانته ...
فهمكم كفاية .. فالسيد المذكور في القصة هو السيد له المجد ... والعبد هو كل واحد منا ... والبيت هو النفس التي ائتمننا عليها السيد .. وهي له وملكه الخاص ...
المعجزة هي كل أمر يفوق قدرة البشر ... وبالتالي لها مصدران ( لهما قدرة أكبر من قدرة البشر ) : اللــــه له المجد ........والشيطان الكذاب المخادع .. الذي كما ذكر الانجيل أنه خصوصا ًفي الأيام الأخيرة - ونحن فيها - سوف يصنع الكثير من المعجزات ليضلّ الكثيرين ... وليضلّ المختارين أنفسهم - لو أمكن له ذلك - .....................
فينبغي لنا يا أخوة أن نحذر على أنفسنا ولا نقبل أية معجزة أو ظهور قبل أن ننتبه وندرس الموضوع بشكل وافي جدا ًجدا ً...... لأننا إن قبلنا ضلالة فسنهلك إن لم تتداركنا رحمة اللـه وتوعينا ..... أما إذا كان الظهور أو المعجزة من السيد و لم نقبل هذا الظهور أو المعجزة - انطلاقا ًمن حرصنا على الأمانة - فهو حتما ًسوف يقدّر هذا الأمر
أفضل طريقة للتمييز بين نوعي المعجزة هو الرجوع إلى حياة وكتابات آباء الكنيسة القديسين الذين واجهوا كلا النوعين من المعجزات ....