أهلاً بمشاركتك في أسرة هالمنتدى اختي العزيزة لؤلؤة .. نوّرتي ..


اتفق مع الاخ مكسيموس ...بخصوص مساله الانوار الظاهره في الضباب .....رايتها بعيني ..فانا قبطيه ...ورفض عقلي تصديق ان تقوم ام النور كليه الطهر بحركات سريعه ومنتظمه ومحدده بمساحه معينه من الضباب !!!!!!!!!!!
تماماً .. وقت بتظهر أمنا العدرا مانا بحاجة لطريقة استعراضية .. و بتظهر بوضوح ..

واختلف معك اخي مكسيموس ..واتفق مع بعض الاخوه ..ان الاقباط في امس الحاجه لتعزيه سمائيه ...
على ما يبدو إنو هالفكرة اخدتيها من مشاركات بعض الأخوة اللي فهموني غلط .. أما إذا رجعتي لمشاركاتي أنا رح تلاحظي إنو متفق مع الكل إنو الشعب المسيحي المصري بأمسّ الحاجة لتعزية سماوية بالظروف المرة اللي عم يعيشها ..
مشان هيك لازم نكون حذرين من إنو الشيطان يستغل هالفرصة ..
بكتيييييييييير من تعاليم الآباء بيشددوا إنو الانسان مو لازم يطلب معجزة .. من ناحية لأنو أللـه مانو حاوي = ساحر .. و من ناحية تانية بيكون الواحد اعطى فرصة للشيطان إنو يصطنع معجزة قدامو مشان يغش هالشخص ..
و هادا موجود بالتراث الآبائي .. أكتر من انسان ( و منهم رهبان ) كان محور صلاتو إنو عم يطلب من الرب إنو يظهرلوا ( و هون في كبرياء بهالطلب ) .. و هيك بيلاقي الشيطان الفرصة الذهبية .. بيظهر أمامو بهالة نور مصطنعة و بيقللو : أنا المسيح .. اسجد أمامي .. و اعمل كذا و كذا و كذا .. الخ ..
و إذا هالمرة كان الظهور بدون رسالة ممكن المرة الجاية يكون في رسالة .. متل ما صار بموضوع الصوفانية اللي فيكي تطلعي عليه هون :
http://www.orthodoxonline.org/forum/...ead.php?t=8002

بلشت بظهور .. و انتهت برسائل مناقضة للانجيل و تعليم الكنيسة .. !!


ده يعني انها لو خدعه بشريه ..كان الجهاز الامني فضحها بشكل سريع وحاسم وفيه ضجه..!!! وخصوصا لو الموضوع متعلق باي شئ قبطي ..!!!!!! ومن شانه ان يزعزع ايمان الكثيرين من غير المسيحيين ..ويشجع الاخرين علي الاجهار بايمانهم برب المجد ....!!!! بالاضافه لقيام الامن مشكورا بقطع الكهرباء عن المنطقه وتفتيش الكنيسه واخلائها .....
هادا الاحتمال أنا ما تطرقت إلو ..

اما عن كونها خدعه شيطانيه ...فالشيطان لا يعضد ايمان البشر ..بل يقوم بزعزتهم ..والهائهم ليذهبوا بعيدا عن الراعي الصالح ....
رمز الآباء للشيطان بالرقم 6 .. و توكيدها 666 .. شو السبب ؟؟
لأنو الشيطان بيحاول يقلد الكمال = الرب اللي رمزوله بالرقم 7 ..
ممكن يتظاهر بعمل الخير مشان ننغشّ فيه ..
متل إذا واحد دجال شفى مريض .. هل بيكون عمل خير أم شر ؟؟
بيكون عمل شر .. لأنو - حتى لو كان الشفاء فعلي - بيكون خرّب إيمان هالشخص و المحيطين فيه .. و خلاهم يحطوا أملهم بهالدجال ..

و هون ذكر أحد الأخوة ملاحظة : إنو بالبيان اللي طلع انذكر إنو العذراء كانت لابسة أبيض و سماوي .. و هادا مطابق لظهورات بيآمنوا فيها الكاتوليك .. و منها الظهور اللي بتقول فيه ( العذراء المفترضة ) : أنا هي الحبل بلا دنس ..
بهيك حالة .. هالظهور بيرتبط بالظهور المذكور .. و بيطرح سؤال : ليش ما منعتمد الحبل بلا دنس .. طالما هالكلام ورد بظهور مماثل ؟؟؟؟؟؟؟؟؟؟؟؟؟


.
الرب قادر ان يصنع المعجزات ..الرب قادر ان يعزي شعبه ..
طبعاً الرب قادر على كللللللللللل شيء ..
بس هادا مو معناه إنو القائم بكل معجزة هو الرب ..

خصوصاً إنو منلاحظ من خلال سير القديسين و متل ما ذكر أورفيوس بمشاركة سابقة ( يا ريت ترجعيلها ) إنو الشيطان كمان بيعمل معجزات ..

و هون الخبرة الروحية المستقاة عبر القديسين كتير ضرورية لحتى نقدر نميز مين اللي عمل هالمعجزة ..


ليرعى الرب مصر الحبيبة عاشقة المسيح ..

و ليثبت أبنائها في الإيمان وصولاً إلى ملكوته ..


آمين