يا ابنى انت ميت و لا حى
حسرتى على ابنى
اللى اخدوه بلبس العيد
و اخدوا منى فرحة عمرى
اخدوا منى ضنايا
اخدوك يا ابنى من حضنى
قلبى بيبكى عليك دم
مشتاق لك يا ابنى قوى
و نفسى اضمك لحضنى
بس صوتى مش طالع من حلقى
وعليك قلبى انفطر
و انا شايف دمك قدامى
و انا شايلك على ايدى
زى ماكنت زمان بشيلك
و ادفيك من غدر الزمن
و اضمك فى حضنى و تنام دفيان
انا شايلك دلوقتى تانى
بس علشان ادفنك
يا ابنى انا فداك
ياخدوا من عمرى و يدوك
بس ياريتك ترجع و تقوم
ياريت اشوفك قدامى زى زمان
آه آه يا ولدى