وانتهى التقرير إلى أن العذراء ظهرت في هذا التوقيت للتأكيد على ‏حبها‎ ‎لمصر وللبابا شنودة الثالث ومساندتها له فى شفائه من آلام ‏المرض وحفظه لدوام رعايته‎ ‎للأقباط طول العمر، كما أشار إلى أن ‏ظهورها جاء لمساندة الكنيسة القبطية والإيمان‎ ‎الأرثوذكسى بشكل ‏عام فى مواجهة الاختراق الخمسينى والبروتستانتى. ‏
الحقيقة يعنى معلش و ليسامحنى الأقباط .... أنا شايفة انه تحليل ساااااااذج جدا" لأسباب ظهور العذراء

كان ممكن الكنيسة تكتفى بمجرد ببيان يؤكد الظهور دون إبداء اسباب معينة ..... لأن لا أحد يعلم السبب الحقيقى للظهور سوى الله

و لو الموضوع كدا فعلا" ..... إذا" من الواجب بقى إعلان قداسة البابا شنودة (جعله قديس) ..... و تبقى سابقة تاريخية ملهاش مثيل بقى
بابا يعلن قداسته و هو حى ..... يعنى فى ايه بعد إن العذراء بتحبه و تسانده عشان بيرعى شعبه .... يا سلااااااااام .... دا على كدا يا جماعة العذراء لازم تظهر لكل رب أسرة فاضل بيرعى أسرته .... و كل رجل أعمال فاضل بيرعى موظفى شركته ... و كل كاهن بيرعى رعيته ..... دا تلاقى الأم تيريزا كانت بتشوفها كل يوم .... و بعد كدا إذا كان الظهور عشان مواجهة البروتستانت و الخمسينين فالعذراء كدا بتحيرهم جدا" عشان كمان بتظهر فى كنايس الكاثوليك ..... اللى الأقباط نفسهم أعترفوا بظهوراتها فيها.... طب يعملوا أيه بقى الغلابة دول ..... يصدقوا الكاتوليك و لا الارثوذكس

دا كلام ضد كل قواعد المنطق و الإيمان ..... بجد يعنى