الختيار (زجل)
بقلم: بولس جنّوره


ختيار مسن بيهرب من مرتو
وولادو ولاد وولاد ولادو بقرروا أنو يسكن بأحد دور المسنيين
بتلحقو مرتو وبتقلو:
ياختيار ارجاع ع البيت..
يا ختيار إرجاااااع ع البيت
بتهر الدمعة من عينو
بيشلح العكازي من إيدو بوقف من عزم الروح وبيقلا:

لا تقولي عني ختيار
حامل بيـدو العكـازي

لا تقولي شيباتو كتار
عيونو ما نـا غمـازي

بعدي ع الهوى مقدار
عمرو ما بيخلص كازي

000

لا تعيريني بهالزنار
ولا تعيرينـي بقنبـازي

و لله ِ من نسمي بغار
اسألـي دار العجـازي

بقولولك هل ختيار
بعدو نـاوي ع الجـازي

000

أذكري لمن كنا زغـار
شوفك ع كرم غازي

شقد اكتبتلك أشعار
وكل ما كتبـت بتعتـازي

حبك جني بقلب النار
اعطيني منّو الإجـازي

000

ولا تجبيلي بهل أخبار
الحزّة في قلبي احزازي


ولا تقوليلي أتروك الدار
و لا تشديني بقنبازي

حواليّي الحلوين كتار
محلـى دار العجـازي