** لــقــاء عــائــلــة الــمــنـتــدى **

[Maximos]

ملاحظة مهمة

لسا لهللأ ما بلشنا بالنهفات و صور النهفات
لأنو النهفات كانت بالآخر عندي بالبيت

طيب .. أول شي بحب إشكر الرب على رجعة حبيبنا طاناسي للمشاركة .. نوّرت حكيم ..


رح تلاحظو إنو لهللأ ما حدا حكى الحكاية من طأطأ لـ باي باي ..

طيب .. وصلوا الأخوة على الحواش بحدود الساعة عشرة الصبح .. و قعدنا مع بعض .. و بعد فترة قليلة وصل أبونا الحبيب موسى ..

كان المخطط إنو نطلع ع المطرانية بعد الضهر .. بس أبونا إيليا انشغل فترة بعد الضهر .. مشان هيك طلعنا بحدود الساعة 12 ..

و لما رجعنا بحدود الساعة 2 الضهر وصل الغدا يللي كان ابونا موسى وصّا عليه بعد ماكان رفض أية محاولة إنو نحنا نجيب الغدا و اصر على كرم الضيافة ..

بعد الغدا و الاستراحة طلعنا على جبل السايح اللي هوّي أعلى قمة بالوادي .. و من هونيك مناظر كتييييييييييير حلوة ..

وقت الغروب نزلنا من الجبل على الحواش على كنيسة القديس يوحنا الذهبي الفم ( شفيع منتدانا ) و كانت صلاة الغروب مع الأبوين الحبيبين موسى و ديمتريوس ..

بعد الصلا نزلنا من جديد على كنيسة مار الياس ( اللي كانت قاعدة الانطلاق لكل المشاوير ) ..

و ما بين ما صارت الساعة 7 المسا كنت اضطريت استخد شوية ديمقراطية مشان نأجل نهاية اللقاء بمحطة عندي بالبيت .. و اتفقنا عالطلعة لعندي للساعة 9 المسا .. و هون بكل اسف كانت نهاية اللقاء اللي كان غااااااااااااية في الروعة ..

[georges jreije]

الرب يبارككم و يوضطدكم بالايمان

[salma]

يعني والحق بينقال ...........احلى واحد فيكم كان سيرافيم الله يعيشو ..........وكانت الصور وكا نو صور مخيم وانشاء الله بكون المره القادمة .........وهونه حابه قدم اقتراح للاخ مكسيموس انو يكون اللقاء في المرة القادمة (بدير السيدة _بلمانا ) ضبعا بعد اخذ البركه من (اليروندسه مكرينا ) وهيك مناخد فكرة عن حياة الجماعه عن حياة الشركه عن قرب عن الحياة الي عم نسعى لها في هذا الموقع ولو كان كل منا بجهة وبالوقت نفسه بيكون اللقاء مع الراهبات هو اللقاء الروحي النقي الى نحنا بحاجه له وبهذه الحاله ممكن انو يكون التنسيق لهذا اللقاء لمدة يومان وليس ليوم واحد ..........صلواتكم

[Maximos]

اقتراح من ذهب اختي العزيزة سلمى

فعلاً اشتقنا للطلعة على دير السيدة

بكل الأحوال التنسيق رح يكون شغال انشاللـه

و منشوف شو أللـه بيـيّــسّـر ..

[Paraskivy]

ليش مكسيموس مو على اساس اللقاء التاني بعرسنا انا وميشيل او غيرتووووووو

[athnasi]

سلامات عزيزتي باراسكيفي

الحقيقة , أنو فكرنا يكون اللقاء بحلب يوم عرسكن أنت والغالي .

وحكى معك فوراً أبونا موسى.

ولكن عميفكرو الشباب أنو أنتو رح تكونو مشغولين قبل العرس, وأثناء العرس, وبعد العرس

لذلك ما بعتقد رح تكون الفكرة ناجحة.

عمنفكر يكون اللقاء مبرمج بطريقة مفيدة , بشكل نستغل الوقت كلو

وأعتقد أنو فكرة دير السيدة معقولة.

على كل حال المشاورات شغالة.

ما تزعلي مشان المزحة اللي وصّلك ياها أبونا موسى عن لساني

[Maximos]

اختي العزيزة باراسكيفي ..

فكرة إنو نلتقي بعرسكم انطرحت كأمر طريف و مميز .. و لما فكرنا بالموضوع بشكل جدّي لقينا إنو:

اللقاء بعرسكم = اللقاء بدونكم ..

لأنو رح تكونوا مشغولين بالتحضيرات ( اسألي مجرب ) ..

مشان هيك لقينا إنو يكون خارج موعد العرس أفضل لنكسب وجودكم معنا ..

[Bassilmahfoud]

ارجو من الاخوة في الادارة الكريمة والمشرفين تنظيم لقاء لعائلة المنتدى في قسم اللبناني... نتكلم لاحقا عن برنامج اللقاء
اتمنى ايضا لقاء الاخوة من القسم السوري والمغتربين في ارجاء المسكونة ليكون يوما مباركا نجتمع فيه لاجل ايقاد شعلة المحبة المسيحية .

[Salwa]

ارجو من الاخوة في الادارة الكريمة والمشرفين تنظيم لقاء لعائلة المنتدى في قسم اللبناني... نتكلم لاحقا عن برنامج اللقاء
اتمنى ايضا لقاء الاخوة من القسم السوري والمغتربين في ارجاء المسكونة ليكون يوما مباركا نجتمع فيه لاجل ايقاد شعلة المحبة المسيحية .

أبونا الفكرة كتير حلوة, وأنا أول واحدة معك. يمكن تنظيم هاللقاء بيقدر يفيدو فيه الإخوة الموجودين بلبنان - عِلماً إنو أكتر المشرفين هني من سوريا الكريمة أو من المغتربين.

فحضرتك أبونا بتقترح ونحنا منفذ .

[athnasi]

اقتراح رائع من أبونا باسيل

لكن أعتقد أن مهمة ترتيب هذا اللقاء في لبنان تقع على عاتق الإخوة اللبنانيين.

(فأهل الجبل أدرى بشعابه)

أقترح أن يتولى قدس أبوينا ( باسيل وبطرس) مهمة ترتيب هذا اللقاء.

ويمكن لمن يستطيع من الإخوة السوريين ( أو غيرهم) أن يشاركوا بالحضور إلى لبنان .

كما نتمنى ممن يستطيع من الإخوة والآباء في لبنان أن يشارك بالحضور إلى اللقاء المرتقب في سوريا في أوائل شهر آب القادم.

فأنتم على الرحب والسعة والراس والعين