رسالة من منتقلة الى حبيبها

[miray]

القراءة بالللهجة العامية (المحكية)

رسالة من منتقلة إلى حبيبها

و الله كل اللي صار غصب عني

و حياة حبنا اللي كان لا تزعل مني

كنت تحبني بجنون و حياة عيونك بعرف

و أنا كنت اعشق قلبك الحنون

و يمكن ما اقدر أوصفلك حبي بأحرف

كنت لما احتاجك لاقيك بجنبي مثل السيف واقف

و بلحظات الخوف كنت تقلي حطي راسك على صدري و لا تخافي

مادام نحنا سوا ما في شي بيخوف

لحتى اجا النهار اللي كنت في لحالي و خايفة

اصرخ باسمك بس أنت ما كنت قادر تسمع صوتي

اجا اليوم اللي احتجت في إني اركي راسي على صدرك

لأنو راسي كان عم يوجعني من الخشب اللي مركي عليه

و حوالي الناس كلها عم تبكي و اللون الأسود صابغ تيابهن

و فــــــــــــــــــــــــ ــــــجأة و صلت أنت بين العالم ................

لأول لحظة فكرت انك سمعتني و جاي تلبي طلبي

بس وقتها ما قلتلي حطي راسك على صدري و لا تخافي أنا معك

لا بوقتها كنت عم تندهلي و تقول ليش رحتي و تركتيني

بوقتها فهمت انو هي آخر مرة رح شوفك فيها و تشوفني

و يمكن هاد رح يكون آخر طلب بطلبه منك

صحيح أنت ما رح تسمعه بس بقوة حبك إلي رح تحسوا

الطلب هو: (( بحياة حبنا ـــ اللي لو أنا رحلت أكيد هو باقي ـــ

تبقى تمر على قبري

و تحسسني بدفا ايدك لو على التراب

و تبكي على دمعة من عيونك

ـــ اللي كنت طول عمري احلف بجمالهن و غلاتهن على قلبي ـــ

و لا تنسى تضويلي كل احد شمعة بالكنيسة

بالوقت اللي رح كون في أنا عم صلي: ( ليكن ذكرى حبنا مؤبدا ). ))

[miray]

انشالله تنال اعجاب الجميع
هي قصة خيالية

[مارى]

قصة جميلة يا ميراى بس خيالية جدا" جدا" لأن فى الوقت اللى هتكون هى بتصلى ليكن ذكرى حبنا مؤبدا" هو هيكون أكيد بيدور على حبيبة تانية
بس برده الخيال حلو

[Alexius - The old account]

كتير حلوة الرسالة..
بس لو تبادلوا المواقع شو كانت راح تكون رسالتها لحبيبها؟

هو هيكون أكيد بيدور على حبيبة تانية

هههههههههه

انت بتقولي انو الحب ممكن يتدور عليه لحد ما نلاقيه أو هو كدا بيظهر فجأة ومن غير ما نكون إحنا اصلاً عارفين أنو داه هو الحب؟

[مارى]

لأ هو فى الحالة دى هيدور بنفسه على حب جديد بحجة انه ينسى حزنه (آل يعنى حزين)

معلش عايزة اسأل على حاجة ، عايزة اعرف ازاى اطلع الرموز المتحركة اللى بتطلعوها دى ، يعنى ضحك ، بكاء ، سخرية ... إلخ

معلش السؤال خارج الموضوع بس مش عارفه اطلعهم ، يا ريت حد يقوللى

[Alexius - The old account]

بالنسبة للرموز تلاقيهم لما تنتقلي للوضع المتطور او تضغطي على صورة "أضف رد"

(آل يعنى حزين)

ههههههههههه
حلوة اوي

[anastasia]

مشكووورة على الرسالة ..

يمكن هو يطلع احسن منها ..

بالنتيجة لو تبادلوا المواقع ممكن هيي ترجع كمان وتكفي حياتها مع شب تاني

الحياة ما بتوقف وبنفس الوقت الحبيب ما بيتنسى
في فرق بين اليأس وبين الذكرى والنسيان
انا لما بتابع حياتي مع احتفاظي بالحب والتقدير لهالانسان بيكون شي منيح كتير وبالنتيجة الايام بتروح وبتجي بيجوا ناس وبيروحوا ناس حسب ظروفنا
بس ما حدا بياخد مكان حدا ..

شكرا مرة تانية الك
صلواتك

[مارى]

الحياة ما بتوقف وبنفس الوقت الحبيب ما بيتنسى

عندك حق فى الجملة دى ، بس المشكلة أن الناس بتفهم ان لو فى حب حقيقى لشخص رحل لازم كمان يليه وفاء شديد للشخص ده ، و الوفاء من وجهة نظر الناس هو رحيل الطرف الحى معنويا" مع شريكه اللى انتقل، بس ده لأن الناس أحكامها فى الغالب بتكون قاسية ، و فى كتير بيجهلوا معنى الوفاء الحقيقى

[miray]

طولو بالكم لازم يكون في بحياتنا اخلاص
و بيرجع للانسان بحد ذاتو هو و اخلاصو

شكرا على مروركم

[مارى]

--------------------------------------------------------------------------------

طولو بالكم لازم يكون في بحياتنا اخلاص

طب يا ميراى انتى تقصدى أيه بالجملة دى ، أصل الجملة عامة جدا"

ممكن توضحى فكرتك أكتر