اخونا raed على كرسي الاعتراف

[asma]

بعد طول غياب ولم يجلس احد على هذا الكرسي الذي يبعث الراحه النفسيه على كل من يجلس عليه
وبعد الاستئذان والموافقه من قبل اخينا رائد فانني اعينه خلفاً لي على هذا الكرسي
نتمنى له معاً طيب الإقامة وحسن الجلوس

وعليكم به

وهلا بنبلش بشن حملة الاسئله على اخونا رائد واول سؤال لك اخي رائد هو:
احكيلنا عن نفسك شوي وبالطريقه الي بتريحك
حاليا هاد سؤالي ولكن لي عوده اخرى بعد ذلك

[Raed Zleik]

شكرا كتير ع الاستفقادة اخت اسماء, من زوءك
بالحقيقة غمرتيني بلطفك وكرمك

[Raed Zleik]

حاسس حالي بشعبة المخابرات وعم يسالوني عن حياتي الشخصية ب خمس سطور
ع كل رح جاوب وعلى مضض
مواليد حماه 82
عمري 29 سنة
درست بكفربو
وتربيت فيها
حاليا طبيب اسنان
خاطب ليليان حداد (من اللاذقية)
ارثوذكسي والحمدلله
.
.
.
.
.
.
.
.

[Mayda]

حاليا طبيب اسنان

يعني مستقبيلاً شو؟ ناوي تقلب وتغيير الاختصاص؟ ولا كلمة ومنقالة؟؟

خاطب ليليان حداد (من اللاذقية)

مين ليليان حداد؟ نحنا ما منعرف حاد إذا ما كان مسجل عنا بقى شد همتك

[Raed Zleik]

حالبا طبيب اسنان لاني ع كتر ما م شوف ناس بالعيادة مالهن علاقة بالبشرية رح فكر حالي طبيب بيطري بغض النظر عن المعالجة اللي عم اعملها
ليليان حداد................للاسف هون بالمنتدى بس بشر بيسجلوا فيه, لو عاملين قسم للملائكة لكانت اول عضو بالمنتدى

[asma]

بالحقيقة غمرتيني بلطفك وكرمك

بتمنالك استضافه وقعده مريحه على هاد الكرسي
s-ool-318

حالبا طبيب اسنان لاني ع كتر ما م شوف ناس بالعيادة مالهن علاقة بالبشرية رح فكر حالي طبيب بيطري بغض النظر عن المعالجة اللي عم اعملها

لهدرجة طبيعة اسنانهم بتخليك تفكر حالك طبيب بيطري

[Raed Zleik]

اسنانهم واشكالهم وتصرفاتهم, لك حتى اكلهم وطريقة اكلهم.............
كل شي في هذه البلاد تعيس

[شيم]

هلاااااااااا أخي رائد وبدنا نتشكر اختنا أسما على انها رجعت الحياة لهالموضوع

طمني أخي رائد شلون هالقعدة معك؟ ترى مانا سهلة هاه سأل مجرب ولاتسأل حكيم

وهلأ منجي عالأسلئة........ سؤال بحب أسألو للكل:

من ادخلك إلى الكنيسة؟

وهي شوية أسئلة عالبيعة:

- موقف أثر بك وجعلك تغيرطريقة تفكيرك جذرياً
- شيء ندمت عليه
- خبرة لن تنساها طوال عمرك وكان تأثيرهاعليك اكبر مما كنت تتوقع

هلأ حاتك هيك إلي رجعة بعدين

صلواتكم

[Raed Zleik]

طبعا كل ما انا ع الكرسي رح ضل اشكر الاخت اسماء كتير كتير ومن كل قلبي
من وانا صغير بروح ع الكنيسة مع مرت عمي يوسف "الله يرحمها" ومع عمي من عمر ال5 سنين(من وقت بوعي وبتذكر) ولهلء بشيللها الجميلة والله يرحمها وبصليلها ديما, اما من ادخلني الى قلب الكنيسة والى العمل والى الحركة والمركز فهو قدس الأب كمال الراحيل اللي بلب صلواته ديما وهو عرفني ع جما كنيستي وبهائها وحلاوة العيشة فيها
[quote=شيم;73996]- موقف أثر بك وجعلك تغيرطريقة تفكيرك جذرياً
رؤية سيدنا افرام كرياكوس 1995 في اثناء محاضرة الو بكنيستنا, لا استطيع ان انسى ذلك الوجه البهي, لهلء صورت ب بالي وكان الو دور كبير باقبالي ع الكنيسة بشكل حماسي وكبير

- شيء ندمت عليه

اني ما عملت اختصاص فورا بعد الجامعة

- خبرة لن تنساها طوال عمرك وكان تأثيرهاعليك اكبر مما كنت تتوقع

خدمة الجيش ك طبيب شرعي عسكري...........اثرت وغيرت في نفسيتي وشخصيتي الكثير الكثير اكتر بكتير مما كنت اتخيل او اتوقع
بالله تسألو ..............

[asma]

طبعا كل ما انا ع الكرسي رح ضل اشكر الاخت اسماء كتير كتير ومن كل قلبي

ما فيه داعي للشكر اخي رائد بس اكيد هلا صار لزملك فنجان قهوه مع هالقعده الحلوه وشكلها عاجبيتك قعدت الكرسي

jb12867031401.jpg

وبنرجع نسألك بعض من الاسئله :-

1- شي كنت حابب كتير تعمله وما قدرت ؟
2- اذا هلا حكولك انه فينك تغير البلد الي عم تشتغل فيها اي بلد تختار ولماذا ؟
3- اكتر شي بيقدر يأثر على شخص رائد ويغيره ؟
ونعود لاحقا برشم الاسئله

نتمنى لك قعده مريحه مع فنجان القهوه