اختنا salwa على كرسي الاعتراف

[Seham Haddad]

ضيفتنا على كرسي الاعتراف هي اختنا العزيزة







































سلوى
اهلا وسهلا فيكي
اتمنى لك اقامه سعيده على الكرسي

وهلا رح استفتح
اعترفي
1- انت تقيمين في لبنان وكنت تعيشين من قبل بدوله اخرى اين وجدت الراحه
سؤال دسم ما هيك
2- ما الذي تطمحين ان تصل اليه ولم تصل اليه ؟
3- من اكثر الاشخاص الذي تشتاقين اليه حاليا ؟

كثرت اسئله يا سوسو ما هيك
بس راجع
وينكم يا اخوه ما بدها الشغلة توصايه على الاخت سلوى يعنى اسئل وسلوى بتجواب

[Salwa]

اهلا وسهلا فيكي اتمنى لك اقامه سعيده على الكرسي

أهلا فيكي وعن جد كلك زوق, يعني مش عارفة أشكرك

وأنا بتمنى ما أكون ضيفة ثقيلة كمان

1- انت تقيمين في لبنان وكنت تعيشين من قبل بدوله اخرى اين وجدت الراحه

نعم، أنا ساكنة حالياً بلبنان. كنت قبل عشت فترة بالأردن - كانت مرحلة الطفولة. كل اللي كنا نعمل هو نلعب ونتسلى ما كان في أي شي نفكر فيه. بس بلبنان الي تقريبا 15 سنة, يعني صار بلدي التاني. كل بلد إلو ميزاته, بس بتذكر إن كنا كتير مبسوطين بالأردن, فبتمنى ارجع أزورها.

2- ما الذي تطمحين ان تصل اليه ولم تصل اليه ؟

سؤال صعب صراحة, لأن في كتير اشيا بتمنى أوصلها بس يا رب مع الوقت. مثلاً، بحب أتعلم الموسيقى البيزنطية، اللغة اليونانية (متلك يعني)
sm-ool-02، بحب أدرس لاهوت وأتعرف أكتر على كنيستي.
وأكيد في اشيا تانية بس شو بدي أعد بعد؟

3- من اكثر الاشخاص الذي تشتاقين اليه حاليا ؟

أكتر مشتاقة لعمتي ماري وهي رقدت من سنة ونص, لأن هي ربّتني.الرب يرحمها ويفتقدها حيث يُفتقد نور وجهه

كثرت اسئله يا سوسو ما هيك

بالعكس, أسئلتك كتير حلوين


:

بس راجع

أهلا ولو بدون ما تقولي, مُرحّب فيكي أي ساعة :sm-ool-09:

وينكم يا اخوه ما بدها الشغلة توصايه على الاخت سلوى يعنى اسئل وسلوى بتجواب

أكيد ما عندي غير إني أعترف شو بدي أعمل انحطيت تحت الأمر الواقع وهلأ باخد غطة بانتظار اسئلة الإخوة

[ibrahem30]

نعمة المسيح معكم
آمل أن تستفيدو من وجود أختنا سلوى على كرسي الإعتراف لحتى تستفيدوا منها لاهوتيا و تتعرفوا على تعاليمها الروحية

[Gerasimos]

سؤال
كيف تنظرين إلى الصداقات بين الشباب والبنات؟
ماهي مؤهلات الكاهن الحقيقي؟
ما هي صفات الشخص الذي سيكون شريك حياتك؟ ما تخجلي ها كل شيء كتبيه؟؟؟!!!!!!!!!!!!!!!!!!!!!!!!111

[شيم]

ميت هلا بالأخت سلوى..


وهي أحلى سيمفونية ترحيب تخدم عيونك الحلوة (بدل شواربك للرجال)..


طمنيني عنك كيف هالكرسي معك انشالله مرتاحة عليه..

شدي الأحزمة ويالله عالأسئلة..



متى تشعر سلوى بأنها ضعيفة؟

ماهي أكثر عبارة تجرحك؟

ما هو أكثر موقف مر بك وأثر فيك سلبياً؟ وما هو أكثر موقف مر بك وأثر بك إيجابياً؟


وإلنا رجعة عن قريب..

[Salwa]

نعمة المسيح معكم
آمل أن تستفيدو من وجود أختنا سلوى على كرسي الإعتراف لحتى تستفيدوا منها لاهوتيا و تتعرفوا على تعاليمها الروحية

أولاً، أنا بشكر لطفك أخوي إبراهيم.

ثانياً، إن كان لي بعض العلم فهذا بفضل ما تركه لنا الآباء القديسين والمفكرين الأرثوذكسيين ووضعوها لنا في كتب حتى نستفيد ونستنير. هناك وقت طويل وعمل كثير قبل أن أبلغ إلى المعرفة الحقيقية الكاملة - ولن أبلغ.

أتمنى لو أني أستطيع أن أفيد الآخرين,فلمَ لا؟ لأن كلمة الـله يجب ألّا تُقيَّد

[Salwa]

كيف تنظرين إلى الصداقات بين الشباب والبنات؟

أنا أؤمن بالصداقات بين الشباب والبنات، هلأ يمكن في كلام ما بيقدروا يتبادلوا مع بعض بس بشكل عام الصداقات ممكنة. وما بخفيك إنو أكثر أصدقائي هني شباب

كان في شخص مرة عم بقول إنو يمكن الواحد ما بيرتاح إذا كان مع صديق مش من نفس الجنس، مثلا إذا بدو يحكي شي كلمة غلط. أنا هون بتعترض لأن الرسول بولس بأكثر من موضع بيحذرنا إنو نتفوه بأي كلمة شائنة لدرجة إنو الشتامين لا يرثون ملكوت الـله.

وحتى في نقطة مهمة بهالموضوع، إنو الصداقات بين الجنسين مش بس ممكنة لا بل ضرورية حتى ما يربى الطفل على نوع من الكبت أو الإنعزالية أو الكراهية ضد الطرف الآخر.

بالنهاية بضل في حدود معينة موضوعة حتى نحافظ على تقاليدنا الشرقية المُحافظة نوعاً ما. والحلو إنو بمسيحيتنا الرسول بولس بيعلن إنو الرب يسوع لغى كل تفرقة ما بين الرجل والمرأة وكلنا أخوة بالرب يسوع.

ماهي مؤهلات الكاهن الحقيقي؟

الكاهن شخص كتير مهم بعيون المؤمنين, لأن هو صلة الوصل بين الـله والإنسان. فهو يمثل الإنسان أمام الـله, كما ويمثل الـله أمام المؤمنين. وكثيرا ما كان الرسول بولس يحث تلاميذه كمثل تيموثاوس أن يكون قدوة للمؤمنين.

بعتقد إني مش مؤهلة إني أضيف شيء إلى المؤهلات اللي وضعها بولس الرسول، وهون أرى إنو الأسقف عند بولس الرسول هو نفسه الكاهن. بس ممكن ألخصها بجملة: على الكاهن أن يعيش الإنجيل أن يكون قديساً كي يقتدي به الناس ويصبحوا هم أيضاً قديسين. "فيجب على الأسقف أن يكون بلا لومٍ بعل امرأة واحدة صاحيا عاقلاً مُحتشماً مُضيفاً للغرباء صالحاً للتعليم غير مدمن الخمر ولا ضرّاب ولا طامع بالربح القبيح بل حليماً غير مخاصمٍ ولا مُحبٍ للمال يُدبر بيته حسناً له أولادٌ في الخضوع بكل وقار. وإنما إن كان أحدٌ لا يعرف أن يُدبر بيته فكيف يعتني بكنيسة الـله. غير حديث الإيمان لئلا يتصلف فيسقط في دينونة إبليس. ويجب أيضاً أن تكون له شهادة حسنة من الذين هم من خارجٍ لئلا يسقُط في تعيير ٍ وفخ إبليس." (1تيم3: 2-7).

ما هي صفات الشخص الذي سيكون شريك حياتك؟ ما تخجلي ها كل شيء كتبيه؟؟؟!!!!!!!!!!!!!!!!!!!!!!!!111

ولايهمك مش خجلانة ,بس بتعرف في مشكلة ... حالياً مش عم بفكر بالارتباط :sm-ool-07:


بتعرف عجبوني الأسئلة. يلا بركي بطمع بكم سؤال تاني

[Salwa]

ميت هلا بالأخت سلوى.. وهي أحلى سيمفونية ترحيب تخدم عيونك الحلوة (بدل شواربك للرجال)..

شكرا كتير الك شيم على الاستقبال الحلو. كان ناقص السجادة الحمرا وهيك بتبرد شوي من الضغط النفسي لما بكون الواحد على كرسي الاعتراف

طمنيني عنك كيف هالكرسي معك انشالله مرتاحة عليه..

لا الكرسي آخر رياحة والأسئلة عم تكون مهضومة. يعني أوقات بكون بدها شوية تفكير أو تكسير راس بس ماشي الحال

هلأ منبلِش الجد :smilie (1

16):

متى تشعر سلوى بأنها ضعيفة؟

أشعر بالضعف أكثر شي لما أعي خطيئتي - أي عندما أُدرك الخطأ الذي ارتكبته.:sm-ool-24:

ماهي أكثر عبارة تجرحك؟

ما في عبارة محددة بتجرحني. هو بكون موقف مُعيّن بيصير ممكن أنجرح منه. يعني مثلاً إذا كنت وثقت بشخص وطعنّي بنجرح. إذا حدا بيفهمني غلط بنجرح. إذا حدا بيقيدلي حريتي رغماً عني بنجرح. وهيك.

ما هو أكثر موقف مر بك وأثر بك إيجابياً؟

أكثر موقف إيجابي بحس إنو صار معي هو لما بلشت اتعرّف على الرب, اللي كان عربون تغيُّر جذري بحياتي. خاصة إنو المسيحي اللي بيحاول يعيش الوصايا بتختلف حياته وطريقة تفكيره عن المسيحي اللي بيضل مرتبط بالدنيويات البحتة. بشكر الرب جداً إنو سمحلي بهالفرصة الرائعة, ويا رب التغيُّر دائماً يستمر.

ما هو أكثر موقف مر بك وأثر فيك سلبياً؟

هلأ في كتير أمور بتمر بحياة الإنسان، وكتير منها بكون سلبي, على الأقل بالفترة الأولى, لما بنكون بعدنا تحت تأثير الحدث. بس بعدين بيتحوّل الموضوع شوي شوي, لنكتشف الإيجابيات منه, يمكن لأنه مننسى, أو إنو بنحاول نجمِّل صورة الإشيا السلبية حتى نتخطاّها, أو منكون واثقين إن "كل الأشياء تعمل معاً للخير للذين يُحبُّون الـله". كمثال, حتى ما تبقى الصورة ضبابيّة: انفصال أهلي. للوهلة الأولى بيكون شي كتير سلبي بس مع مرور الوقت منحصد إيجابيات. والرب الذي يُخرج من الجافي حلاوة يرحمنا. [CENTER] :smilie_ (30): على الأسئلة :sm-ool-08:

وإلنا رجعة عن قريب..

أهلا وسهلا فيكي دايماً وأنا بانتظارك[/CENTER]

[شيم]

أجوبتك روعة اخت سلوى وهلأ نستانف..

من أدخلك إلى الكنيسة؟
هل سبق وان مررت بأمر كان له أثر عام على حياتك دفعك إلى ان تراجعي حساباتك في كل ما يتعلق بعلاقاتك مع الناس؟
ما هو الامر الذي تفعلينه عندما تشعرين بأنك وحيدة وضعيفة؟

انشالله ما كون تقلتها عليك أختي العزيزة..

[ميلاد شحادة]

أن تصل متأخرا خيرا من ألا تصل نهائيا
سلوى شو بدي أسئلك أو بشو بدي أمدحك أو بشو بدي أو لازم أوصفك ياجماعة يلي مابيعرف سلوى مابيعرف شي بهالدنية سلوى كانت وبعدا لصيقة روحي لأنها كانت الأخت الروحية الوحيدة إلي وبعدا لهلأ هي الوحيدة يلي بتعرف كل شي عني سلوى ساعديني قليلي شو بدي احكي شو ماحكيت راح ضل مقصر بحقك .. كنتي دائما البئر الوحيد يلي بحط في أوجاعي وأسراري وكل شي شو بدي أقلك... ياجماعة سلوى هي غنى الروح هي دخلتني لهيكل المسيح عنجد هي من أحد الأسباب الرئيسية لدخولي للمسيح حتى على فكرة كتير مواضيع بهالمنتدى وبمنتديات سيرافيم كانت هي للي بتشرف على مواضيعي .
سلوى شكرا كتير على تحملك إلي لأن أنا مابستحق للي وهبني يا الرب إلهي..
سلوى سؤالي إلى متى ستبقين تتحملين أسئلتي واستشاراتي إلك...؟؟؟
سلوى ياشعلة شمعة أضاءها المسيح نور ليضيء طرقي صلاتي لربي هي أن يبقيك مشتعلة لتضيء للجميع

عفكرة سلوى كل يوم على سات سبعة في فيلم من العهد القديم وهلأ بلشوا بأفلام آلام السيد المسيح عالساعة 11.00 المسا بتوقيت صحنايا
برجع بكرر سلوى شو محكيت راح ضل مقصر بس طولي بالك جايكي الأسئلة الصعبة طولي بالك عليي شوي