حسب اسأله الاخ نجيب لو المسيح جيه زارني دلوقت هعمل ايه ؟؟

معني انه يزورني انه اصلا مش موجود في قلبي ودا واقع لعدد كبير مننا بس رأى الشخصي ان محدش هيفتح باب قلبه الا لأشباع احتياج معين

قصدي ان اول ما بنقبل ربنا بنبقي محتاجين منه حاجه معينه مش لأننا شايفين روعته وجماله

انا مش قصدي عايزين حاجه ماديه بس كمان في احتياجات عاطفيه مهمه جدا خصوصا في سن ثانوي وجامعه يعني شباب مفتقد الابوه والحنان شباب حاسس انه وحيد ومحدش بيسمعه او يفهمه محتاج لصديق يرضى انه يسمعه بنت او ولد اتجرح من علاقه عاطفيه ومحتاج يشفى منها و .................

لكن بعد ما بنقبله لتسديد احتياجتنا وهو فعلا بيسددها بعد كدا بنبتدى نشوفه على حقيقته لان عنينا بتكون اتفتحت عليه وساعتها هو هيبتدى معانا رحله التغيير

للأسف هو اسلوب نفعي بس اعتقد انه الواقع