أخواتي في المسيح

أنا من صغري كنت بسال أسئلة غريبة
وساعات مكنش حد بيرد عليا
وساعات كان الخدام بيقوله لي أي رد
لم بدأت ادرس علشان مش عارف إجابات أو لان إجابات مش مقتنع بيها
وجدت حاجات مكنتيش اعرفها

اكتشفت أن المسيحية فيها 3 طوائف أرثوذكس وكاثوليك وبروتستانت

وكل واحده بتعتبر نفسها صح والباقي غلط

لم كبرت شوية تأني اكتشفت أن البروتستانت مذاهب كتير يقال 200 مذهب في العالم

شوية تأني اكتشفت أن الكاثوليك العالم برضو فيهم طوائف كتير

حقيقي مش فاهم الفرق بين الطائفة والمذهب

مكنتيش اعرف أن في أرثوذكس غيرنا في العالم

بعدين اكتشفت أن في طوائف تأني غير الثلاثة دول في العالم
في طوائف ثانيه اسمها كنائس أشوريه او مشرقية او شرقيه قديمه أسماء كتير وكنائس نسطوريه لسه موجودة واريوسيه

اتلخبطت بقيت مش عارف هي المسيحية بقيت كأم طائفة أو مذهب ولية الاختلاف بينهم ولية مختلفين وهل من ربنا الاختلاف دا ولا من الشيطان ؟

وهل كل الطوائف دي هتدخل الملكوت طبعا ربنا واحده في أيده الحكم

بس من نظر الكنيسة هل كلهم صح ولا غلط اختلاف في العقائد بينهم اختلاف ظاهري ولا جوهري وهل الاختلاف يمس الخلاص ولا لا وهل الاختلاف يمنعهم من الملكوت ولا لا ؟

بعدين لم شوفت الموقع دا زمان فرحت بقيت ادخل عليه

وفجاه لقيت الموقع اسمه أتغير مش عرفت ادخل عليه تأني

بعدين لقيت المنتدى وسجلت نفسي مكنتيش اعرف أن في فرق بين الأرثوذكس افتكر كلنا واحد

بعدين أصدمت لم دخلت لقيت أرثوذكس اللي طائفة واحده بينهم اختلافات وكبيرة وكتيرة
واحتارت اكتر

بقيت مش عارف كل طائفة بتقول هي صح وتثبت من الكتاب المقدس وأقوال الإباء والتاريخ

بعيد عن إني قبطي أرثوذكسي

أزاي احكم علي كل دا واختار بينهم ؟

وهل الطوائف التانيه غلط مش هتدخل الملكوت ؟

وإحنا كأم طائفة في المسيحية وأية الاختلافات بينهم ؟

وأية الاختلافات بين الأرثوذكس الأقباط والإنطاكي ( تاليه الإنسان والطبعتين للمسيح وعقيدة الكفارة في تأني ولا دول بس ؟

ممكن حد يساعدني افهم يعلمني كأني أخ صغير ليه ويشرحلي ومش يزعل من الاسئلة بتاعتي لأني عاوز افهم بس برضو عندي اسئله كتير في دخلي

حد ممكن يشرح لي

تحياتي