بصي يا أخت ماري ، لأسباب أنا تكلمت عنها سابقاً و هي قصة الزجاجة و الملصقة اللي عليها ، فاكراها؟
انتي عارفة كويس إني مبحبش أي نقاش شخصي و مع ذلك و رغم تنبيهي للموضوع أكثر من مرة انتي مصرة ، عظيم . أنا هرد على النقاط التالية و لكن أوعدك إن بعد كدة مش هيبقى فيه شخصنة منك تاني.
و البيئة التى لا تملك الثقافة و الرفاهية دى ....... مش محتاجة حد يساعدها برده .....و لها أن تقبل و لها أن ترفض
كبريائك يا أخت ماري مش مخلليكي تفهمي اللي اتكتب قبل كدة ، فيه ناس من المشاركين في الحديث هنا كلموني عالمسنجر ، وقالوا لي مفاده هي الأخت ماري لحد دلوقتي مش فاهمة اللي مكتوب؟ صدقيني و لا أخفي عليكي أنا ممكن على إيميلك الخاص أبعت لك تعليقاتهم . و تعليقاتهم ليست في الإختلاف معك بل في التشكيك في قدراتك على فهم ما هو مكتوب ... أنا آسف يعني. لذلك فالتعليق على هذه النقطة سيكون ضرباً من العبث لأني مكتفي بأن الناس فاهمة اللي مكتوب.


أسمح لى كلامك هنا عكس كلامك فى موضوع مسرحية المسيح يصلب من جديد ...لأنك كنت ضد قراءة أفكار مهرطق
دا كلام فارغ لا يخرج غير من شخص عنده خلاف شخصي قديم معي .
بصي يا ستي ، لو قرأتي تعليقي في موضوع كازنتساكيس هتلاقيني كاتب إني خلصت الأسبوع اللي فات كتاب بازار هيراكليدس بتاع نسطور. هناك فارق كبير بين اقتناء كتابات جميع الناس بمن فيهم من نختلف معهم على مستويات و درجات الإختلاف ، و ذلك على المستوى الشخصي في البيوت. و نقطة الخطاب الرسمي الكنسي و الرعوي الذي يستهدف الطبقات ذات معدلات فقيرة في مستوى المعيشة.
لما أتكلم عن كتاب Jesus of Nazareth اللي مش موجود في الشرق الأوسط و محتاج Credit Card عشان تجيبيه ، يبقى بلا أدنى شك أنا لا أتكلم عن مسرحية أو فيلم يُعرض على أناس بسطاء في مجمع كنسي.
لكن أتكلم عن كتاب ككتاب أولاد حارتنا لنجيب محفوظ ( و هو كتاب لاهوتي بالمناسبة ، و حاز على جائزة نوبل بسببه) ، أو كتاب ككتاب خريف الغضب لمحمد حسنين هيكل ، أو حتى كتابات بوذية. و مع كل هذا فكلمة مهرطق لا تنطبق على الكاثوليك لأني شرحت هذه النقطة سابقاً في سياق حديثي عن رسالة باسيليوس الكبير الأولى.
إذاً الأزمة ليست حول هذه النقاط بقدر ما هي أزمة شخصية بحتة انتي عارفاها.

تحياتي للجميع
ميناس