معذرة للتكرارات الموجودة بالموضوع التى لاأدرى سببها ياليت أحد الأفاضل المشرفين يقوم بضبط الموضوع كالتالى وله الشكر
اقتباس المشاركة الأصلية كتبت بواسطة ناجح ناصح جيد مشاهدة المشاركة
أنا مش عاوز أشراف ولا عاوز أكون كاتب بأحتراف

ولاعاوز منصب مدير؛عاوز أخدم ربى القدير
أعرف عاوز ايه منى وأكون زى ماعاوزنى
مش عاوز أتعب والأخر يقولى مش مشيئتى
يعنى أعمل ياأخوتى ايه، حيرتونى وتعبتونى
لا حيرناك ولاتعبناك انت هنا ليه ؟مش عارف ليه؟
إسال اللى خلقك وكمان فداك وكده تعرف تخدم اللى دعاك
لكن تقعد تقول عاوز ومش عاوز انت كده مش تمام
ياهمام اعرف معنى الكلام وافهم المرام
انت عاوز ربك ولاعاوز ترتبك
خدمة كتير خدمة قليلة المهم حسب قلب ربك
ولاحسب رضاك، قرر عاوز ايه وفوق من اللى انت فيه
عمرك وجهدك بيمضى وانت غرقان فى المنتديات بتقتع نفسك بخدمة
وياترى انت عارف ايه معنى الخدمة
الخدمة انك فى الأول تعيش للى خدمك خدمة المصالحة
مصالحة هو انا كنت عدو
ايوه كنت عدو لربك ولنفسك
هو مات علشان يصالحك ويديك حياته
تكونها وتعيشها وبعد كده يرشدك للخدمة
وخدمة الحياة أقوى من الكلمات
عاوزين نخضع لبعض ونتعلم
وأوع تحسب نفسك أكبر
لان فى فكر الناس الاكبر من الناس يتخدم
يشخط وينطر ومايتأمر
لكن فى مفهوم الرب يسوع
الكبير يخدم الصغير
ولأجل الرب عند قدميه يصير
زائر،عضو،ناقل،كاتب
مشرف،مراقب،مدير
يعنى خلينا ننظر للرب ونضع أيدينا فى أيديه الممدودة
علشان الرحلة تبقى مضمونة




مكتوب للكاتب قبل القراء

الكاتب لايعنى ان الاشراف او الادارة ليسا خدمة
البعض يعتبرها ارقى المناصب
لكنها حسب فكرالله هى خدمة
ولنعملها حسب فكر الرب
القاهرة فى10/11/2008