أطفالنا إلى أين؟

[حــلا]

الله معكن ياأخوة

بدي اتشكركم على الموضوع لأنه مهم جدا والموضوع يا أخوة أكبر من معاملة الأطفال السيئة للخدم أو من تقليدهم لتصرفات الأهل


بعد البحث الطويل بهالموضوع لقينا انه السبب ماهو بس تقليد لتصرفات الأهل

بل اللي عم يصير انه من السباب يلي بتخلي هالطفل يمارس العنف أو قلة الاحترام ,هي كبت الخوف وممارسات الأهل المسيئة بحق الأطفال من ضرب وصراخ وشتم وووو
لما الطفل بيخاف بينقل وبيعكس خوفه بكتير تصرفات منها العدائية ضد الآخرين

والشيء المهم كمان يلي بيأثر على نفسية الأطفال وبالتالي على تصرفاتهم هو " عراك الوالدين أمام الأطفال"
لما الطفل بيشوف أمه عم تنهان أو عم تنضرب أو حتى عم ترفع صوتها هاد الشي بياثر فيه كتير وبيصير الطفل يصرخ و يشتم و"يعصب " على أي تصرف وعلى أي شخص

يلي حكيتوه يا أخوة عن معاملة الأطفال للخدم شي كتير مهم ومثل ما قلتوا عم يكون تقليد للأهل بس أن حبيت أعطي تنويه على أنه مو بس التقليد هو سبب هالمشكلة

لأنه هالشي ممكن حتى يتمارس على الأخ\الأخت الأكبر

وبالنهاية المحور الأساسي للموضوع هو اعادة براءة الطفولة للأطفال
وما رح يصير غير لحتى النواة تتبدل وتتغير وتتصلح واللي هيي الأهل وطريقة العيش

ومانه بالشي السهل
لأنه يلي عم يعلمه المجتمع للشعب : أنه ماحدا أحسن من حدا, ولا حدا افهم من حدا, لهيك ماحدا يجي ينظّر عليي ولا حدا يتفلسف قدامي, بدي ربّي ولادي متل مابدي , وبدي عيش حياتي متل مابدي واذا خاف الولد شوي مابيصرله شي ومارح يتقعد من هالكم كلمة يلي عم يسمعهم

ومن هالحكي في كتيييييير ومنلاقيه بكل بيت

أنا بتمنى انه هالمشكلة تنحل واذا ما انحلت تصير أصغير من هيك لأنها بالفعل مشكلة جوهرية

بعتذر طولت عليكم

صلواتكم

[John of the Ladder]

[align=justify]
بعيداً عن مسألة الخادمات، هذه الأيام، الأهل يزرعون في الطفل ما هو قيم بحسب منظور هذا العالم، مثل حب المال والجاه وحب الجسد والحرية الشخصية المطلقة كما هو الحال في الغرب، وهذه كلها أمور تخرب الطفل وتهدم حياته، لأنه سيصبح عبد لهذه الأمور، كما قال السيد المسيح: وأما من يفعل الخطيئة، فهو عبد للخطيئة. وأيضاً ما قاله على لسان رسول الأمم: إن محبة المال هي أصل كل الشرور.

الإنسان يتكون من نفس وروح وجسد، ويجب أن يكون الإعتناء به نفسياً وروحياً وجسدياً، وليس فقط جسدياً كما يفعل أغلب الأهالي بأولادهم، بتوفير ما يحتاجون من متطلبات مادية. كم من عائلات غنية فقدت أولادها، وكان مصيرهم الضياع بسبب إهمال الأهل لهؤلاء الأطفال؟ الطفل وحتى الشاب والفتاة يحتاجون إلى ما هو أكثر قيمةً من الأموال والماديات، يحتاجون إلى كلمة محبة، إلى تشجيع، إلى ثقة وتفاهم من آبائهم. سمعت مرة محاضرة لأحد الآباء يقول فيها أن افتقاد محبة من أب لإبنته لدقائق معدودة وهي تدرس، يقيها من الإنحرافات والإنجرافات وراء الأشرار والمفسدين. هذا هو تأثير المحبة.

مشروع الأطفال موضوع مهم لجميع النواحي المدنية والإجتماعية والكنسية، فهم مستقبلها، وبالتالي يجب أن نعطيهم أولوياتنا وانتباهنا، وأن نصيغهم جيداً وبشكل جميل، كما يصيغ الفخاري الطين إلى قطعة فخار نفيسة.

القديس يوحنا الذهبي الفم له كتاب في موضوع تنشئة الأطفال حسب التعليم المسيحي، وأتمنى أن يصل كل بيت مسيحي ليقرأه الجميع ويستفيد من خبرات هذا القديس الملهم من الله.

شفاعته تكون معنا جميعاً
آمين

[/align]