شكرا ً لمشاركتك الرائعة أختي العزيزة ناديا ..

بالفعل ملاحظة مهمة ..


و بكل أسف الموضوع - بعتقد - ما أخد حقو من انتباه الأخوة .. بيجوز ما عرفو أبونا الغالي توما ( معمدان هالعصر ) عن شو عم يحكي أو عن مين ..
بيجوز أنا انتبهت لأنو كنت عم فكر إكتب بنفس هالموضوع .. من لما لقيت أهلي عم يحضروا على قناة الحياة استعراضات طرد ( الأرواح الشريرة ) لكاهن قبطي اسمه مكاري يونان ..

أول شي خطرلي : ليييييييش قناة الحياة ؟؟؟؟ ليش قناة بروتستنتية ؟؟؟

بعد التفكير و تجريد الأمور من المظاهر اكتشفت إنو عم يعرضولو لأنو عم يعمل نفس اللي بيعملوه قساوسة البروتستنت و اللي منشوفهم على المحطات البروتستنتية على القمر الأوربي ..
نفسو تماما ً .. بس الفرق بالديكور ..
نفسو .. بس هون بجوّ شرقي .. !!!

و بعتقد أفضل رد على هالأمر هوّي اللي قالوه الآباء :

الشيخ برفيريوس الرائي، الراقد في 2 كانون الأوّل 1991، والمعروف كأحد أبرز الروحانيّين في القرن العشرين، جاءه، مرّة، كاهن يتعاطى الاستعراضيّة في طرد الأرواح الشرّيرة. دونكم ما قاله له:

"أتظنّ نفسك القدّيس أنطونيوس الكبير لتدّعي طرد الأبالسة؟!
عبر قراءة حياة القديسين منلاحظ هروب هالقديسين من الشهرة لأنها بتجيب المجد الباطل ..

حتى إنو بذكر بحياة واحد من هالقديسين صلى لشفاء مريض .. و المريض شاف القديس بوضعية السجود و هوّي محلـّق بالهوا .. مشان هيك قللو القديس :

إنتا هللأ رح تشفى .. بس إذا بتخبّر أيا حدا باللي شفتو - قبل ما أنا موت - رح يرجعلك المرض أضعاف مضاعفة ..

شوفو الروعة .. التواضع و الهروب من المجد الباطل ..

عرف إنو إذا الناس عرفو أثناء حياتو رح يكون صراع كبييييييييير ضد المجد الباطل ..
أما بعد انتقالو .. رح يكون بس تمجيد للرب ..


بعرف إنو هالكلام ما رح يعجب معجبي الكاهن المذكور .. و يمكن كمان البعض رح ( يثور ) بس لأسباب ( قومية تعصبية ) .. بس الرب أولى من الناس إنو نطيع كلامو .. و لازم نوصّل الحقيقة لكل واحد بيهتم يلاقي الحقيقة ..

أللـه يرحمنا


صلواتكم