** لــقــاء عــائــلــة الــمــنـتــدى **

[Paraskivy]

أنشالله أخي طناسي واخي مكسيموس منكون معكم أنا وميشيل باللقاء اللي جاي

ما تزعلي مشان المزحة اللي وصّلك ياها أبونا موسى عن لساني

طاناسي هالمرة مرقت بس تاني مرة لا تعيدا :smilie (54):

[Joyce]

حلوة الصور يا شباب
أكيد انبسطتوا و يا ريت تكونوا صليتوا لنا معاكم

إذا اللقاء الجاى كان بلبنان و كان فى آخر اسبوع من شهر 7 أنا ممكن آبقى معاكم

[Maximos]

منتابع مع آخر دفعة من الصور :

مشان نلاعب سيرافيم جبت هادا الاختراع اللي بينفخ بالونات صابون ( فقاعات )
و على ما يبدو إنو الأخوة فكروها جزء من البرنامج




و هللأ مع الصور :





بلشت المحاولات مع لما وسط تشجيع و هتافات جماهيرية

ملاحظة : قدام لما في كاستها ( المتة ) ..
أما الشغلة الزرقا : هيّ لهّاية ( مللاطة ) سيرافيم .. لما ما دخلها فيها ..






بعدين إيلي حمل الراية
و طبعاً جماعة الإشراف عم يشرفو على الموضوع .. !!! لما بالتوجيهات و شيم بالمتابعة ...
على ما يبدوا موضوع الفقاعات من الأقسام اللي بتشرف عليها لما لحتى شيم بس عم تتابع و لما عم تشرف بشكل مباشر .. !!

و كان إيلي عم يبرز مواهبو الدفينة بإنتاج أكبر فقاعة .. !!

[Maximos]

هون بللش ردّ الأصدقاء وسط تشجيع جماهيري بقيادة سوزي و جوزيف ..
أما بشارة .. ما بعرف إذا كان عم يفكر : شو صار بإبريق المتة ..





هون .. بدء الانتاج .. غزارة .. بس الحجم لسا زغير ..
سوزي و جوزيف متابعين .. و القلق واضح على بشارة من احتمال تكون الميّ غليت و رح تفرط المتة ..







و أخيراً نجح الحدث التاريخي .. و حجم كبيييييييييير .. مُـعتبر ..







إيلي ما سكت .. و هون صار تصعيد للتحدي : الفقاعة الثلاثية .. 3 بواحد ..

[شيم]

بشرفي اني فرطت الضحك على تعليقاتك يا مكسيموس أكتر من الصور..

أهم شي بريق المتة..

انشالله منعيد هاللقاء مرة تانية وبيكونو الكل معنا..

حقاً قام الرب

[Georgette Serhan]

مشان نلاعب سيرافيم جبت هادا الاختراع اللي بينفخ بالونات صابون ( فقاعات )
و على ما يبدو إنو الأخوة فكروها جزء من البرنامج

بس الهيئة كلكم لعبتو الا سيرافيم
الله يخليلك اياه امتل ما قالت شيم المرة الجايي انشالله بكون اللقاء اكبر
بس عا فكره مكسيموس اذا فكرت تغير شغلك بتنفع معلق عالاحداث
صلواتك

[Salwa]

بس مكسيموس


ما عدنا عرفنا شو صار بالمتي ؟؟؟؟

[شيم]

لا ما يهمك سلوى سوزي (يعني مدامتو لمكسيموس) لحقتها على آخر نفَس..

[Maximos]

ولوووووووووووووو .. شو تفرط ؟؟ .. !!!!!!!!!



اتحاد المتيتة الانطاكيين يرحب بكم



للمزيد عن المتة شوفوا المشاركة الرابعة بهالموضوع :
http://www.orthodoxonline.org/forum/threads/3564

[Salwa]

على فكرة أنا المفروض إني أكون كمان من اتحاد المتيين الأنطاكيين

تقريبا كل يومين كمعدل بشرب متي

لكان عال باللقاء الجاي بتحضروا المتي على الأصول مشان جرّب وأعطي رأيي

وشكرا على وصفة المتي اللي أعطيتنا ياها بالرابط التاني :sm-otl-18: