معاك سلاح .. ؟؟؟

[فيرينا]

لفت نظرى قصه فى العهد القديم عن شعب بنى اسرائيل فى ايام حكم شاول الملك ..الوقت دا كان حرب بين بنى اسرائيل وبين الفلسطينين بس العجيب
" وكان فى يوم الحرب أنه لم يوجد سيف ولا رمح بيد جميع الشعب الذى مع شاول ومع يوناثان " ( 1 صم 13 : 22 )
تخيل لم يوجد سيف ور رمح بيد جميع الشعب اعتقد انه موقف كوميدى واى شخص هيسمعه هيضحك بسخيره على الشعب دا اللى رايح يحارب اعداءه البشريين من غير سلاح ...........
بس الكارثه اننا بنعمل بالضبط زى الشعب دا احنا فى ايام كتير من حياتنا بنحارب من غير سلاحنا اللى هو
" حاملين فوق الكل ترس الايمان الذى به تقدرون أن تطفئوا جميع سهام الشرير الملتهبه , وخذوا خوذه الخلاص وسيف الروح الذى هو كلمه الله " ( أف 6 : 16 - 17 )
مش احنا كتير بنخرج من البيت من غير ما نسمع صوت ربنا لينا فى كلمته مش ساعات كتير بتعدى ايام منفتحش فيها الكتاب المقدس :smilie (137):
يبقى احنا زى بنى اسرائيل بس الاسواء ان شعب بنى اسرائيل كان حربهم مع بشر بس احنا
" فان مصارعتنا ليست مع دم ولحم بل مع الرؤساء مع السلاطين مع ولاه العالم على ظلمه هذا الدهر مع اجناد الشر الروحيه فى السماويات " ( أف 6 : 13 )
علشان كدا احنا محتاجين
" البسوا سلاح الله الكامل لكى تقدروا أن تثبتوا ضد مكايد ابليس ..... من أجل ذلك احملوا سلاح الله الكامل لكى تقدروا أن تقاوموا فى اليوم الشرير " ( أف 6 : 11 , 13 )
والدليل عن ان الحرب بالكلمه هى تجربه أبليس لرب المجد يسوع فى كل تجربه كا رد الرب مكتوب ( مت 4 : 1 - 11 )
طب اذا كانت كلمه ربنا هى سلاحنا يبقى احنا ليه مش بنسلح نفسنا ... لو رجعنا لشعب بنى اسرائيل
" ولم يوجد صانع فى كل ارض اسرائيل . لأن الفلسطينين قالوا لئلا يعمل العبرانيون سيفا او رمحا " ( 1 صم 13 : 19 )
شيل كلمة صانع وحط كلمة وقت هو دا اللى ابليس بيركز عليه وبيسرقه مننا الوقت بالذات فى وقت السلام وقت لما الدنيا تكون جميله مفيهاش مشاكل ساعتها بنلاقى الوقت بيتسرق يا على الافلام او الاصدقاء او التليفون او ..................... مع ان
" مفتدين الوقت لأن ألأيام شريره " ( أف 5 : 16 )
خلى بالك انه كل ما هتقعد فى محضر ربنا كل ما هيبقى معاك سلاح ....... ولو معاك سلاح هتقدر تحارب
لكن لو معكش سلاح هتعمل ايه

[Alexius - The old account]

شيل كلمة صانع وحط كلمة وقت هو دا اللى ابليس بيركز عليه وبيسرقه مننا الوقت بالذات فى وقت السلام وقت لما الدنيا

ذكرتيني بموضوع ميريام ساعة من وقتك وكم دائماً يلهينا الشيطان بأشياء وأمور تافهة لا تكون هي الهدف ولا الوسيلة

لكن لو معكش سلاح هتعمل ايه

في حل من تنين
يا أما أعلن الاستسلام يا أما اتسلح بالسلاح الموجود دائماً ولكنه ينتظر من استخدامه

ربنا يباركك كتير حلو هالموضوع

[فيرينا]

ربنا مايسمح اننا نستسلم او ننهزم

فكرتنى بقصه صعبه قالها ابونا فى القداس انه راح افتقاد لعيله ومكنش عارف يتكلم عن ايه فقالهم هاتوا الكتاب المقدس علشان يختار منه موضوع اول ما فتح الكتاب لقى فيه (((( مقص ))) !!!!!!!! والام قالتله انت بركه يا ابونا المقص دا كان ضايع من سنتين !!!!!!!!!!!!!!!

ربنا يباركك ويستخدمك لمجد اسمه

[Alexius - The old account]

والام قالتله انت بركه يا ابونا المقص دا كان ضايع من سنتين

يارب ارحم يارب ارحم يارب ارحم

[Habib]

[فيرينا]

antiochair

امين ربنا يرحم ويغير

حبيب

شكرا ربنا يبارك حياتك ويستخدمك لمجد اسمه

[maxim]

من لبس المسيح فقد لبس درعا حصينا
ومن التزم الصلوات فقد لبس تلك الخوذة التي تحمي الراس من تلك الافكار و المكائد

اختيار موفق فيرينا الرب يقويكي

[Alexius - The old account]

ومن التزم الصلوات فقد لبس تلك الخوذة التي تحمي الراس من تلك الافكار و المكائد

ايه يا مكسيم
ذكرتني بنشيد "كلنا آتون ملء الضوء في العيون..."
وبالذات المقطع اللي بقول: "وعندنا الصلاة قلاع وحصون... وعندنا المحبة صديقٌ لا يخون"

وهذا النشيد أول مرة سمعته كنا برحلة إلى الشام وكان من ضمن مخطط الرحلة تعلّم هذا النشيد
بقى اذا بتكمل جميلك بعد ما ذكرتني فيه وبتحاول تأمنه مكتوب أو مسموع

والله يقويك

[فيرينا]

ومن التزم الصلوات فقد لبس تلك الخوذة التي تحمي الراس من تلك الافكار و المكائد

ربنا يساعدنا نلبس خوذه الصلاه على طول فى كل لحظه

اختيار موفق فيرينا الرب يقويكي

ويقويك ويبارك حياتك ديما ويستخدمك لمجد اسمه