حبيبنا Elias على كرسي الاعتراف ..

[Maximos]

إي .. هادا أنا اللي حطيت الموضوع

كيفكن فييييييييييييا

* * * * * * * * *

حبيبنا إرميا صرلو كم يوم غايب .. انشاللـه يكون السبب خير :sm-otl-18:
و أبو اللوس تطوّع للمهمة .. و مو كل مرة منلاقي متطوّعين

و مشان ما نظلم حبيبنا ارميا : بيتعهد أبو اللوس إنو يحط اللي بدو ياه إرميا بعدو على الكرسي ..
كيفك فييييا أللوس ؟؟

لنبللش السلخ

1- أبو اللوس .. أكيد منحب نعطيك المكرفون تكتبلنا كم سطر عن حالك .. ده كان اوووووولاً

2- بحب أعرف شو بتحب موسيقا .. مع شوية تفصيل ( إذا ما في إنجعاز يعني )

3- مين كان أكتر عضو مشاغب بالفترة الماضية بالمنتدى .. يعني مين كان شغلتك بالنقل و تنقيح المشاركات ..

4- المكرفون معك .. و مع باقي الأخوة .. و هيّ جبتللك الكرسي لهون

[برباره]

كيفكن فييييييييييييا

ملعوبة ..........لكن لذيذة ...........يسلمو ايديك على كل

[Elias]

بما أنو انت جبتلي الكرسي فهاد شرف كبير الي كل ما بدي ارتاح عليه رح اتذكرك الله لا يحرمنا من محبتك حبيب قلبي

- أبو اللوس .. أكيد منحب نعطيك المكرفون تكتبلنا كم سطر عن حالك .. ده كان اوووووولاً

أولا أنا عمري 24 سنة بحب كل الدني والناس ومافيني عيش بلاهن بحب المزح والضحك
أكلتي المضلة رز وتانيا جاج
مشروبي المفضل : البارد بيرة أولا
الساخن:شاي بنكهة اليانسون
مأدرس إحصاء رياضي سنة رابعة ودورات محاسبة
بحب السفر وعلى وجه الخصوص المناطق الجبلية يعني شجر وغابات وهيك شغلات
شفيعي :القديس يوحنا كرونشتادت 20 12 1908 روسيا كرونشتادت

- بحب أعرف شو بتحب موسيقا .. مع شوية تفصيل ( إذا ما في إنجعاز يعني )

بالنسبة للموسيقى بحب الموسيقى البيزنطية وعم ادرسها وانا هلأ بالمستوى التاني بحب كمان أسمع عندي شي 2 غيغا موسيقى
أكتر شي بحب ياني لدرجة أنو اسمي عالبلوتوث فيليتسا اسم أجمل مقطوعة الو كان هاديها لأمو وسماها على اسما

3- مين كان أكتر عضو مشاغب بالفترة الماضية بالمنتدى .. يعني مين كان شغلتك بالنقل و تنقيح المشاركات ..

انشالله كون فهمتك صح انا كمشرف , مشرف على قسم التاريخ ومامعي صلاحيات خارج هالفئة من المواضيع وبما أنو المشاركات فييا قليلة هيك ما بيطلع معي حدا مشاغب

[برباره]

لحتى تبلش مظبوط بدك دعم و هاي احلى كاسة latte macchiato لأبو الياس مع قطعة كاتو


و بعدها الي عودة للأسئلة .

[asma]

اخينا ابو اللوس على رأي اخونا مكسيموس انا بهنيك على الموسيقى الي عم تسمعها على قد ما هيه حلوه وهلا بنبلش بالاسئله :
1 . ما هو اكتر شغله حابب تحققها بالحياه :sm-otl-18:
2.اذا حدا دايقك بشغله وانتا دايقت منها لدرجه كبيره اش راح تكون ردت الفعل عندك بوقتها

اجمالا بكتفي بهدول السؤالين ونوافيك بالمزيد من الاسئله

[Elias]

. ما هو اكتر شغله حابب تحققها بالحياه

حاليا أهم شي عندي خللص دراسة جامعية عشان انطلق للحياة وبعدين بتخلق اهداف جديدة

2.اذا حدا دايقك بشغله وانتا دايقت منها لدرجه كبيره اش راح تكون ردت الفعل عندك بوقتها

بحاول قدر الامكان سايرو عشان أعرف شو نهايتا معو وأعرفو بشكل أفضل
بس أكيد ما بسمح بإني آكل كف وأطلع ببلاش بتجي ساعة طالع الفرق فييا
يعني بحاول فرجيه اني مو سهل

[فهد ملحم]

ابو الوس مرحبا سؤالي الك شو هيي اكتر كلمة بتحب تستخدما وشو بتعنيلك

[برباره]

إيه أخي الياس هلأ جينا
أول سؤال شو بتعنيلك الارثوذكسية وهل عيش الارثوذكسية برأيك صعب و لا سهل و ليش
شو الترتيله اللي لها وقع خاص بنفسك و بترتلها دايما
شو اكتر آية أو عبارة بالأنجيل بتخليك تتأمل فيها باستمرار و كل مرة بتفهم منها معنى مختلف عن المرة السابقة اللي تأملتها فيها .
شو الكتاب اللي قريته و خلاك تعيد النظر في حسابات حياتك
على سيرة الحسابات كيفك بالميزانيات انشاءلله ما عم يعزبوك
مين لعب الدور الاساسي بحياة الياس و تركيبة شخصيته ؟
شو بتعنيك الصداقة الحقيقية ؟

بتمنى تكون اسئلتي مستحبة و انا بانتظار الرد .

[Zoukaa]

بس أكيد ما بسمح بإني آكل كف وأطلع ببلاش بتجي ساعة طالع الفرق فييا يعني بحاول فرجيه اني مو سهل

مرحبا أخي الياس، حلو هالحكي وأهم شي الدرس يالي بنتعلموا بعد الكف وهو بيكشف وجه جديد للشخص يالي قدامنا وبيقوينا.

سؤالي: وين بتشوف حالك بالكنيسة يعني شو الدور يالي بتحب تلعبوا كعضو فعال بالكنيسة؟
صلواتكم

[Elias]

بالنسبة لسؤال أخونا فهد أكتر عبارة بلاقيها هيي " الله بيعين" بلتمس فيا تعزية أكيد أكيد كلشي بيتم تحت عين الرب وهووي بيسمح فيو
"كل الأشياء تعمل معا لخير الذين يحبون الرب"