سؤال صريح لمن يملك جرعة زائدة من الشجاعة

[مارى]

الموضوع ده ظريف اوى ، بس الحكاية مش محتاجة شجاعة و لا حاجة ، إلا بقى إذا كنت انا شجيعة و انا مش عارفة
انا هجاوبك على اللى اعرف اجاوب عليه

هل شخصيتك في المنتدى تطابق شخصيتك الحقيقية ؟؟؟؟؟؟

تقصدى الأراء .... الأفكار ..... أصل الشخصية ممكن متبقاش واضحة اوى من خلال سطور بنكتبها
لو تقصدى كده ..... ايوه ارائى و أفكارى فى المنتدى تطابق شخصيتى الحقيقية
بس انا الحقيقة بقى اسمى غير مطابق لأسمى الحقيقى ..... انا اسمى الحقيقى داليا ..... قريب من اسمك يعنى
و لما دخلت المنتدى خطر فى بالى اكتب الإسم ده عشان أحاول اعرف ليه الناس بتغير اسمائها ساعات فى المنتديات او المناقشات .... ايه الفكرة يعنى ؟ لقيت ان مفيش فكرة خالص
اكتشفت ان ده موضوع سخيف جدا" ..... اصل كل ما بقيت اشوف اسم مارى على جنب كده.... أقول مين دى انا عايزة داليا ..... بس انا دلوقت مش عارفة اغير الإسم ازاى ..... ههههههه
لو حد يعرف يبقى يقوللى ..... و لا خلينى كده ؟
على اى حال انا كتبت الإسم اللى كان نفسى يكون اسمى ..... انا بحب اسم العذراء بمختلف اللغات

هل أنت وأنا ونحن كما يرانا الآخرون عبر هذا المنتدى وفي غير صفحات للانترنيت الواسع الكبير؟

بالتأكيد لأ ..... لأنك صعب تحكمى على شخصية انسان من خلال سطور بيكتبها .... ممكن يبقى بس عندك تقييم مبدئى ليها .... لكن مش اكيد 100%

هل دائما شخصيتنا خالية من الأخطاء والعيوب كما تكون نقاشاتنا وردودنا
عند طرح أي موضوع أو قضية ؟

لأ طبعا" ..... لأن حتى نقاشاتنا و ردودنا ساعات بتكون فيها أخطاء و عيوب

هذا التناقض الشديد كيف يستطيع أي عضو أن يمتزج فيه ويتجلى بين ما يقدم على صفحات المنتدى وبين ما يسلك في حياته العملية والحقيقية ؟

بعض الأشخاص عندهم قدرة عالية على التمثيل من خلال الحياة نفسها و إظهار نفسهم بصورة غير حقيقتهم ...... القدرة دى لو موجودة أصلا" بتزيد على النت ...... اعتقد كده
اتمنى اكون قد أفدتك

[Dalin]

شكرا كتير الك اخت ماري على ردك وانت أكيد عندك نوع من الشجاعة لأنك وبكل بساطة عندك القدرة انو تعرفي شخصيتك تماما و تحكمي على نفسك بأمور بسيطة وكتير أشخاص بيفقدوا هذه الميزة.....
صلواتك