الأخت ماري في كرسي الاعتراف

[Nahla Nicolas]

اختي الغالية جبتلك احلى كرسي هذاذ







وكمان عصير




ولي عودة ان شاء الله بالاسئلة

[مارى]

يا أهلا" بالأخوة و أسئلتهم ..... انما قلت لكم انهاردة انا فاضية .... و هجاوب على كل اسئلتكم

نبتدى بأسئلة جورجيت ..... سلام المسيح معك

ما حاجتك في هذه الدنيا وإلى ما تسعين؟

حاجتى أن أكون دائما" بجانب ناس بيحبونى و بحبهم .... عائلتى و أصدقائى ..... دا أهم شىء عندى

و أسعى أن أتقدم روحيا" .... لأن هذا هو أهم شىء فى حياتى .... حياتى ستنتهى فى يوم ما قرب أو بعد ... و لن ينفعنى شىء أسعى إليه سوى الله

إلى من تقول ماري شكرا'' في حياتها بعد أللهسبحانه وتعالى؟ ولماذا؟

سؤال محير ..... كتير فى حياتى يستحقوا الشكر سواء من الأهل أو الأصدقاء ... و لكن إذا بتريدى التحديد فأقول شكرا" لشخص ساهم بعد الله فى أن أنمو روحيا" ..... و لأن كما قلت لك هذا هو الأهم فى حياتى .... كل الأشياء تزول و تبقى فقط علاقتنا بالله

هل ترين فيمن حولك من الناس بالرغم من الشر المتواجد في الدنيا بذور مسيحية طيبة؟

أكيد و إلا أصبحت الدنيا جحيم لا يطاق ..... حتى الطبيعة التى خلقها الله تقول لنا هذا ..... الورود بتنمو وسط الأشواك

أعرفك من خلال كتاباتك وهي تدل على أنك إنسانة تحب الفرح والضحك هل أنت دائما'' هكذا ؟ وما سر ذلك؟

ههههههههههههه ..... كل إنسان بيحب الفرح و الضحك ..... مش انا بس ..... فى أغلب الأحوال باخد الأمور ببساطة و أحيانا" بتعقد معى .... لكن مش بطول فى النكد .... لا شىء يستحق .... و أيضا" الناس ملهاش ذنب تشوفنى مكشرة حتى لو أنا فى مود مش لطيف ..... الإبتسامة و الكلمة الطيبة لا تكلف شىء

هل أنت من ألمؤمنين بالقول الآتي: ألماضي مضى لن نستطيع أن نعيده لذا لا فائدة من البكاء عليه وألحاضر نعيشه ولا نملك أن نغيره أما المستقبل فهو ملكنا وهو ما يجب أن نعمل لأجله كيف تطبق ماري هذا القول في حياتها؟

أؤمن بالأولى و الثانية..... أما بخصوص المستقبل فهو ليس دائما" ملكنا ... لكن فقط علينا ان نبذل ما هو واجب علينا بذله و نترك بعد ذلك لله تدبير امر هذا المستقبل .

شكرا" جورجيت ..... أسئلتك لطيفة

و نأتى لسؤال الأخ ليمار

ما الفرق بين انسان عندة معرفة وعلم وبين انسان عندة ايمان فقط وايهما اقوي ؟؟؟؟؟؟؟؟؟؟؟ وانت ايهما تفضلي ان تمتلكي ؟؟؟؟؟؟؟
لو كتير ممكن تختاري واحد منهم

لا مش كتير و لا حاجة .... سؤال ظريف

الفرق بين من عنده معرفة و علم و بين من عنده إيمان فقط ..... أن الأول لا يصدق الشىء إلا بالخبرة و البحث و التجربة .......و الثانى يصدق فقط بقلبه و إحساسه ..... أيهما أقوى ؟؟ .... أممممممممم ....سؤال محير

بإعتقادى من عنده إيمان .... الكتاب المقدس يقول إن كان لك إيمان مثل حبة الخردل قلت للجبل إنتقل فينتقل

و عن نفسى أفضل أن أمتلك الإيمان .... لأن المعرفة و العلم لا حدود لهما ... بمعنى أن لا ثبات فيهما ... اليوم نعرف و نتعلم شىء ..... و غدا" نجد ما قد يلغيه أو يحدثه .... أما الإيمان يمثل بالنسبة لى الثبات أكثر ... و أنا من محبى الثبات

الميكرفون مع وسيم الآن ..... هههههههههه

بماذا أثر بك المنتدى ؟؟؟؟؟؟؟؟؟؟؟

بالكثير يا وسيم ..... انا كنت بجهل أمور كتير ساعدنى المنتدى على معرفتها .... انا كنت بجهل الفروق بين الطوائف مثلا" و اقول لك الحق ..... كتير كنت جاهلة بالأرثوذكسية و لا أعرف عنها سوى القشور .... لا أدعى الآن التبحر فيها و لكن على الأقل ساهم المنتدى ان يكون لدى تمييز أكثر بين الإيمان المستقيم و غيره

بما أنك بتعرفي تطبخي و أكلك طيب شو أطيب أكلة بتطبخيها ؟؟؟؟؟؟؟؟؟

شوف يا أخى .... بشهادة الناس كل أكلاتى طيبة (أى انا مغروررررة) ..... لكن أطيبهم ورق العنب و الكانيلونى و الكبة

ما هو شعورك عندما لا تدخلين إلى المنتدى في أحد الأيام ؟؟؟؟؟؟؟

أشعر بنقص ما .... ربما لا أستطيع تحديده ..... منذ ان عرفت المنتدى لا شىء يجعلنى افوت يوم دون دخوله سوى السفر مثلا" أو ظروف منعتنى أصلا" من فتح الكمبيوتر

الله يبارك القائمين عليه يا رب


نهلة .... يا حكيمة المنتدى ... شكرا" على الكرسى الهزاز و العصير .... انا بحب عصير البرتقال كثير... و فى إنتظار اسئلتك


تصبحوا على خييييير

[بندلايمون]

شوف انت كاتبها إزاى ..... انت كاتب تهمزى مش تهزمى

هههههههههههههههههه
هيدا بالسوري اسمو غلط أو خطأ مطبعي
وباليونان بيقولو شيطان المطبعة

راجع انت أخطائك الإملائية يا عم بالذات لما تكون بتكلم حد مش من نفس بلدك لأنه ساعتها بيفتكر انك بتتكلم لغات أجنبية ....هههههههه

وأنا بأمرك يا مروش رح أنتبه أكتر المرة الجاية


صلواتك

[hedra-pola2]

الاخت مارى اهلا بك احب ان اعرفك بنفسى اننى ارذوكسية قبطية من مصر واتمنى ان تجاوبى على اسئلتى وانت على كرسى الاعتراف 1-من انت وما هى هواياتك المفضلة
ما هى احلى ساعات للصلاة لديك
3- ما هو اعمق كتاب روحى قراتيه
4-كم مرة تلذذتى بالعشرة مع الرب يسوع

[مارى]

لاخت مارى اهلا بك احب ان اعرفك بنفسى اننى ارذوكسية قبطية من مصر واتمنى ان تجاوبى على اسئلتى وانت على كرسى الاعتراف

أهلا" بيك أو بيكى (الإسم محير شوية - بس مكتوب أخ جديد)

من انت وما هى هواياتك المفضلة

جواب السؤال دا فى الصفحة الأولى

ما هى احلى ساعات للصلاة لديك

فى الكنيسة و أنا وحدى .... أو باليل .... عموما" بحب أصلى و انا بمفردى

ما هو اعمق كتاب روحى قراتيه

حياة الصلاة الأرثوذكسية لأبونا متى المسكين

كم مرة تلذذتى بالعشرة مع الرب يسوع

مش فاهمة السؤال أوى .... مش عارفة أجاوب .... معلش ... لو ممكن يتوضح أكتر .... أكون شاكرة

[سمعان اللاهوتى]

دلوقتى بقى الأستجواب الشامى خلص و حان وقت الأستجواب المصرى هع هع هع هع
و أنتى أكيد عارفة الأستجواب فى بلدنا عامل أزاى؟ بذات فى الأقسام بس متقلقيش حتعامل معاك بسهولة مش زى الأقسام عندنا ، أنتى فى قسم متحضر شوية

س: بتفضلى الأصدقاء الشوام ولا المصريين أكتر؟

س2: عمرك زرتى أديرة قبطية؟

س3: لو كان فى أمكانك أنك تغيرى حاجة وحشة فى مصر ، يا ترى حتبقى أيه؟

س4: ايه أكتر شخصية تاريخية نفسك تقبليها؟

س5: مين قدوتك؟

س6: أيه أكتر سؤال بيسألوه الأقباط لما يشفوكى؟

س7: اكتر شخصية كارتونية نفسك تبقى حقيقية؟

س8: هل كان عندك طموح و متحققش؟

س9: مين القديس اللى نفسك يظهرلك؟

س10: أيه الأمنية اللى حتطلبيها قبل ما تموتى؟ (بعد الشر لول)

رفعت الجلسة لول

[مارى]

دلوقتى بقى الأستجواب الشامى خلص و حان وقت الأستجواب المصرى هع هع هع هع

شامى .... مصرى .... فينو .... أهى كلها إستجوابات

بتفضلى الأصدقاء الشوام ولا المصريين أكتر؟

بفضل الصديق المحترم الوفى ..... ايا" كانت بقى جنسيته

عمرك زرتى أديرة قبطية؟

أكيد طبعا" .... رحت مار مينا .... ابو سيفين ..... أنبا مقار ..... و رحت أديرة تانية مش فاكرة اسمها

لو كان فى أمكانك أنك تغيرى حاجة وحشة فى مصر ، يا ترى حتبقى أيه؟

عدم الإهتمام بالنظافة و الجمال

ايه أكتر شخصية تاريخية نفسك تقبليها؟

الست مارى أنطوانيت ..... عشان أقولها انها ست هبلة و معندهاش دم .... تصور فى مرة قالو لها الشعب جعان و مش لاقى ياكل عيش .... قالت لهم ايه المشكلة ياكلوا بسكوت .... أديها على وشها يالقلم و أمشى .....هههههههه .....صراحة هى اللى جت فى بالى دلوقت .....ههههههههههههه

مين قدوتك؟

كل إنسان بيحمل صفات الإنسانية على حق

أيه أكتر سؤال بيسألوه الأقباط لما يشفوكى؟

ههههههههههههه ..... انتى قبطية ... ليه مش بتروحى كنيسة الأقباط ؟؟؟؟؟

اكتر شخصية كارتونية نفسك تبقى حقيقية؟

مش بعرفهم من بعض .... انا من أيام توم و جيرى

هل كان عندك طموح و متحققش؟

كان نفسى أدخل كلية إعلام .... بس مش مشكلة يعنى ... دخلت كلية لطيفة

مين القديس اللى نفسك يظهرلك؟

القديس نكتاريوس

أيه الأمنية اللى حتطلبيها قبل ما تموتى؟ (بعد الشر لول)

الناس اللى بحبهم يكونوا حواليا

رفعت الجلسة لول

يعنى براءة ؟؟؟؟

[سمعان اللاهوتى]

الست مارى أنطوانيت ..... عشان أقولها انها ست هبلة و معندهاش دم .... تصور فى مرة قالو لها الشعب جعان و مش لاقى ياكل عيش .... قالت لهم ايه المشكلة ياكلوا بسكوت .... أديها على وشها يالقلم و أمشى .....هههههههه .....صراحة هى اللى جت فى بالى دلوقت .....ههههههههههههه

هيحصلها أيه بعد أعدامها يعنى؟ دى أخدت أقلام لحد ما قالت يا بس ، يلا الميت ميجوبش عليه ألا الرحمة هههههههههه

يعنى براءة ؟؟؟؟

أيوة براءة

[برباره]

الحبيبة بالرب ماري
ما هي الصفات التي تلفت انتباهك للشخص الذي تودين التعرف عليه ؟
الانسان الانيق ( الشيك) أم الانسان العادي المرتب
الانسان المتعلم المثقف أم الامي اللبق المتحدث
الانسان الضعيف أم القوي
الانسان المتحدث المنمق و المتملق في الكلام أم الذي يحفظ لسانه و يتكلم عند الضرورة بأجوبة ذكية و فيها الاقناع
المتعصب دينيا لطائفة معينة أم المنفتح دينيا ويعي أمور كنيسته
شكرا على الاجابة مسبقا

[مارى]

الحبيبة بالرب ماري

مرسى بربارة ... ربنا يخليكى

ما هي الصفات التي تلفت انتباهك للشخص الذي تودين التعرف عليه ؟

[QUOTE]الانسان الانيق ( الشيك) أم الانسان العادي المرتب[/QUOTE]

شوفى هى الأناقة و الشياكة شىء جميل طبعا" .... لكن لو حسيت ان موضوع الأناقة و الشياكة واخد حيز أكثر من اللازم فى فكر من أمامى ..... مش برحب بيهم أوى ..... الأنسان العادى المرتب بيكون فى نظرى أفضل ..... أصل الأناقة و الشياكة لما بتعدى حدود المنطق بتتطلب وقت ... مين إنهارده عنده وقت يهتم بشكله الخارجى بطريقة مبالغ فيها ... إلا إذا كان شكله دا مهم فى تأديه عمله مثلا" مذيع .... مذيعة ... ممثل .... ممثلة ..... كدا يعنى .... لكن الإهتمام بالمظهر عموما" شىء مهم لأن دا أول شىء بتقع عليه عيون الناس فى من أمامهم ..... لازم طبعا" يعطى إنطباع كويس

الانسان المتعلم المثقف أم الامي اللبق المتحدث

لو الإنسان المتعلم المثقف قليل الذوق فى حديثه .... أفضل أتكلم مع الأمى اللبق المتحدث

الانسان الضعيف أم القوي

[

ضعيف أم قوى من أى جانب تقصدى ؟ عموما" انا بتعاطف مع الإنسان الضعيف .... بحاول أكون مصدر قوة له أو عامل مساعد فى شىء نفسه يعمله .. لكن الإنسان القوى مش محتاج حد يساعده فى شىء ....ربنا يقويه كمان و كمان يعنى ....ههههههه

[QUOTE]الانسان المتحدث المنمق و المتملق في الكلام أم الذي يحفظ لسانه و يتكلم عند الضرورة بأجوبة ذكية و فيها الاقناع[/QUOTE]


بكره النوعية الأولى دى جدا" .... و بكون قرفانة و انا بكلمها .... و بحترم الثانية طبعا"

المتعصب دينيا لطائفة معينة أم المنفتح دينيا ويعي أمور كنيسته

أكيد المنفتح دينيا" ..... التعصب صفة سيئة و بتخلى الإنسان أفقه محدود

شكرا على الاجابة مسبقا

شكرا" لأسئلتك اللطيفة

لذيذ كرسى الإعتراف دا .... انا مبسوطة فيه