الأخت ماري في كرسي الاعتراف

[Seham Haddad]

ازيك يا ماري وازي الكرسي معاكي
دا مبين مريح اليوم
انا هارجعلك بكره انشاء الله

سوال بسيط
كيف شفتي معنوياتي باللهجه المصريه




رح اريحك اليوم ماري
انتظري اسئلتي غدا

[Gerasimos]

الأخت الحبيبة ماري

عندي سؤالين:
الأول: ما نوع الفاكهة المحبب بالنسبة لك؟ أتحبين اللحم أم النباتات أكثر؟ يعني نباتية شي
الثاني: ما هو موقفك من العولمة؟

طيب بقا دلوقت حسألك سؤال

كيف شفتي الكرسي. مريح ولا شو
في ناس كثير قالوا عنو مريح إنت إيه رأيك


كمان تذكرت سؤال

كيف ترين المنتدى في الفترة الأخيرة؟

[Joyce]

مارى يا مارى...

الدراسة : ليسانس آداب قسم لغة فرنسية

أحسن ناس

أنا مرضيتش أسألك أى سؤال إلا يوم أجازتى عشان أبقى فايقالك
أولاً أسئلة بريئة (بس مش أوى): إيه لونك المفضل؟ و أى وقت فى اليوم بتحسى أنك فى أفضل حالاتك فيه؟ و إيه الكتاب اللى سمعتى عنه و تتمنى تقريه؟ و إيه السفر المفضل بالنسبة لك فى الكتاب المقدس؟

ثانياً:انتشرت مؤخراً خرافات كثيرة بين الشعب المسيحى عن ظهورات مزعومة للعذراء و القديسين و معجزات لا دليل عليها و غيره، و أنا عارفة أنك ضد هذه الأشياء و لكن سؤالى هو:
تعملى إيه لو واحد بسيط فى إيمانه بس تقى و جه فرجك على فيديو مثلاً لظهور مزعوم أو غيره من هذه الأشياء، هل هتواجهيه بما تعتقدينه فى هذه الظاهرة، و لا تكتفى بالصمت كى لا يتعثر إيمانه؟

ثالثاً: هل أنت مع مناقشة المواضيع المثيرة للجدل (و أقصد بها الآراء اللاهوتية و ليست أمور السياسة الكنسية) و تشعرى أن منها إستفادة، أم أنك ضد هذه المناقشات بإعتبارها غير مفيدة روحياً أو معثرة للبعض و تسبب بلبلة؟


كفاية كده أسئلة مش بريئة

[Seham Haddad]

سلام ماري

انا رح اسئلك اسئله بسيطه لانو الاخوه ما خلو سؤال غير سألوه

السؤال الاول
هل تحبين الهدوء
السؤال الثاني
افضل الاوقات بتحب تصلي فيها لوحدك
السؤال الثالث والاخير
لو حصلت على وظيفه بتخصصك في احدى مدن مصر ووجد ان هذه المدينة لا يوجد فيها مسيحين هل توافقي على الوظيفه

[مارى]

يا أهلا" يا أهلا" .... انا جيت على الكرسى أهو و جبت معايا نسكافيه ... أتفضلوا معايا

بالدور بقى

جراسيموس ..... أزيك

الأول: ما نوع الفاكهة المحبب بالنسبة لك؟ أتحبين اللحم أم النباتات أكثر؟ يعني نباتية شي

فى الشتا .... الموز و البرتقال
فى الصيف ..... بحب التين الشوكى و البرشومى و البطيخ ..... ههههههه
لو المفروض أقول نوع واحد ..... أكتر نوع يعنى يبقى التين الشوكى
أنا حاسة أنى فى جنينة ..... ههههههههههه

الثاني: ما هو موقفك من العولمة؟

آآآآآه .... انت بقى يا جراسيموس أحسنت بالسؤال دا .... أحسنت الإختيار حقيقى ... لأن انا اكتر واحدة فى المنتدى ممكن أفيدك فى هدا الموضوع .... ههههههههه ...... شوف انا مش بعرف اتكلم كلام كبير .... بس بما انك سألتنى ...انا مش هكسر خاطرك و أرد باللى أعرفه

العولمة دى على حد علمى هى إنصهار المجتمعات فى بوتقة واحدة (مين االى بتكلم دى أنا ؟ .... أه انا مش معايا حد تانى ..... أيه رأيك بقى فى الكلام الكبير دا)..... شوف بجد يعنى لو الإنصهار دا هيؤدى لإنتعاش إقتصادى و ثقافى خاصة بالنسبة للدول النامية ... أهلا" و سهلا" به .... إنما لو أدى أن السمك الكبير باكل الصغير فبلاش منه ... شوف انا قلت لك اللى أعرفه بكل أمانة يا أخى ..... انا حتى مش عارفة تعريفى للعولمة صح و لا غلط .... على رأى عادل إمام دا انا غلبان .... ايه يا عم جراسيموس السؤال الصعب دا .... بقى من حديقة الفواكة للعولمة .... ماشى يا عم

كيف شفتي الكرسي. مريح ولا شو
في ناس كثير قالوا عنو مريح إنت إيه رأيك

حلو كتير .... انا مبسوطة .... بكتشف نفسى معاكم .... لطيف بجد

شكرا" لأسئلتك .... بالذااااااااااااااااااااا ااات العولمة

نيجى بقى لجويس ..... أهلا" يا جويس ... أزيك .... أنشالله تكونى بخير

يه لونك المفضل؟ و أى وقت فى اليوم بتحسى أنك فى أفضل حالاتك فيه؟ و إيه الكتاب اللى سمعتى عنه و تتمنى تقريه؟ و إيه السفر المفضل بالنسبة لك فى الكتاب المقدس؟

لونى المفضل البرتقالى بدرجاته و الأخضر كمان

شوفى طول ما الشمس مغيمة انا بكون فى أفضل حالاتى فى اليوم ... انا مش بحب الشمس ساطعة... بحب الغيمة و الغروب .... بس مش الغيمة الوحشة اللى تجيب إكتئاب ... لأ فى غيمة بتكون لطيفة كدا .... لكن لما الشمس تطلع و تكون شديدة بتنرفز أوى

الكتاب اللى سمعت عنه و نفسى أقراه .... كتاب يسوع الناصرى للبابا بنيديكت .... بس لما تنزل الترجمة العربى منه
كمان نفسى أقرا اى شىء للقديس نكتاريوس ....بس للأسف كل كتبه على حسب ما عرفت غير مترجمة ... انا سعدت جدا" بقراءة سيرته من كتاب كبير ....لكن نفسى اقرا فكره و كلامه

فى الكتاب المقدس .... بحب المزامير أوى

ثانياً:انتشرت مؤخراً خرافات كثيرة بين الشعب المسيحى عن ظهورات مزعومة للعذراء و القديسين و معجزات لا دليل عليها و غيره، و أنا عارفة أنك ضد هذه الأشياء و لكن سؤالى هو:
تعملى إيه لو واحد بسيط فى إيمانه بس تقى و جه فرجك على فيديو مثلاً لظهور مزعوم أو غيره من هذه الأشياء، هل هتواجهيه بما تعتقدينه فى هذه الظاهرة، و لا تكتفى بالصمت كى لا يتعثر إيمانه؟

هواجهه بس هيكون كلامى معاه على مستوى عقله ... يعنى مثلا" لو واحد مستواه الثقافى مرتفع و مصدق فى الخزعبلات دى اكيد هناقشه و إحتمال اسلوبى يصل أن يكون فيه إستنكار شديد .... لكن لو حد مستواه الثقافى ضعيف و منبهر بالمعجزة هحاول أوجهه ببساطة .... و لو رفض توجيهى مش هسخر منه ... لأنه فى النهاية بيكون مؤمن و بيمجد ربنا او قديس أو العذرا من خلال المعجزة المزعومة دى .... و فى نفس الوقت ربنا بيكون مضطلع على قلبه و مدى معرفته فى الأمور دى و على قدر إيمانه بيديه .... المسألة مفيهاش ضرر عليه ... لكن مضرة جدا" لو صدقها ذوى العقول و الثقافة الدينية لأنهم بيؤثروا فى نسبة من الناس غير قليلة و فعلا" بيشوشروا على إيمانهم

ثالثاً: هل أنت مع مناقشة المواضيع المثيرة للجدل (و أقصد بها الآراء اللاهوتية و ليست أمور السياسة الكنسية) و تشعرى أن منها إستفادة، أم أنك ضد هذه المناقشات بإعتبارها غير مفيدة روحياً أو معثرة للبعض و تسبب بلبلة؟

لا طبعا" انا مع مناقشتها و لأبعد مدى كمان .... و بشوف انه بيكون فيها فايدة لكل شخص بس بتكون لحدود معينة كل حسب فكره .... يعنى في بعض المواضيع بتجذب إنسان عن آخر ... و فى النهاية الكل بيستفيد بشكل ما ... دا غير ان اللى بيشوف انها مش بتفيده روحيا" ممكن ميضطلعش عليها .... لكن ليه نظلم حد تانى عايز يكون معرفة أكتر عنها

سلام يا جويس


سهااااااااااام .... أهلا" بيكى .... عارفة ان الأخوة خطفوا منك كل الأسئلة ....بس بردو أسئلتك حلوة

السؤال الاول
هل تحبين الهدوء

فى أغلب الأوقات أيوه... لكن أحيانا بحب الدوشة .... بس الدوشة المنظمة مش العشوائية .... و بمناسبة الهدوء بقى انا لما بيجيلى دعوة فرح اليومين دول باخد أسبرين قبل ما أروح ....لأن الأفراح أصبحت عبارة عن مناسبة تجيب صداع ...أول ما الواحد يدخل الفرح من هنا تلاقى الـ DG بيضرب فى نافوخه و ميسكتش غير بعد ست ساعات على الأقل ....دى بقت حاجة تقرف

افضل الاوقات بتحب تصلي فيها لوحدك

باليل ....و الدنيا هسسسسس

لو حصلت على وظيفه بتخصصك في احدى مدن مصر ووجد ان هذه المدينة لا يوجد فيها مسيحين هل توافقي على الوظيفه

لأ ..... لن أوافق و دا لأن أكيد مش هيكون فى كنيسة .... و دا شىء بالنسبة لى هيكون مؤلم جدا" و مفيش شىء ممكن يعوضنى عنه

سعدت بأسئلتك يا سهام .... شكرا"

[Fr. Boutros Elzein]

ابنتي المباركة ماري

اعترفي لنا بما وصلكِ عن حقيقة ما حصل في القرية بمنطقة المنية البارحة . عن الهجوم على الكنيسة بالحجارة وما هي ردود الفعل عليها ؟؟؟

اعتزر هذا اهم سؤال يشغلني اليوم . إن كان عندك خبر مؤكد عن الموضوع .
الرب يحميكِ ويحمي كنيسة مصر الحبيبة بكل الوانها .
أمين

[مارى]

ابنتي المباركة ماري اعترفي لنا بما وصلكِ عن حقيقة ما حصل في القرية بمنطقة المنية البارحة . عن الهجوم على الكنيسة بالحجارة وما هي ردود الفعل عليها ؟؟؟

باركك الله يا أبونا .... هقول أيه بس ... الأمر زاد عن حده و الله يكون بالعون ...حصل إعتداء لأن الأقباط فى نزلة"البدرمان" بمركز دير مواس فى محافظة المنيا كانوا بيقوموا بعملية بناء منارة لكنيسة مارجرجس و تم إسقاط السقالة اللى بيعملوا عليها ..دا غير تخريب بعض ممتلكات الأقباط ..... أما بقى عن ردود الفعل يا أبونا فكالمعتاد ... نحن نصلى ان يرحمنا الله

اعتزر هذا اهم سؤال يشغلني اليوم . إن كان عندك خبر مؤكد عن الموضوع الرب يحميكِ ويحمي كنيسة مصر الحبيبة بكل الوانها .

و لماذا الإعتذار يا ابونا ....شكرا" لك ..... المسيح قال فى العالم سيكون لكم ضيق .... و ما يحدث نوع من أنواع الضيقات ...شكرا" لصلواتك .... ربنا يحمى الجميع

[Nahla Nicolas]

شوفتي انا قلبي عليكي

جبتلك صحن كبير من الفواكه حتى ترتاحي

وبعدين بلش بالاسئلة

ما رح كتر الاسئلة كم سؤال

1- كيف تعرفتي على هذا المنتدى ؟

2- الاعضاء الذين تحبين قراءة مواضيعهم دائما ؟

3- ما هو الموضوع الذي تاثرت فيه ولاتنسيه أبدا ؟

4- ماذا تعني لك هذه الكلمات :

-الصدق

- الامانه

- الخيانه

- الامل

- الغد

- الابتسامه

- الوفاء

- الحب

- الصفاء

– السماء

5 -أي قرار بتاخديه ..... تحكمي عقلك ولا قلبك فيه ... ؟؟

6 - ندمتي فحياتك على شي معيٌــن ؟؟؟

7-ايه الفـرق بين الحب والصداقة من وجهة نظرك ؟

8 - يمر الانسان بمراحل عديدة فى حياتهما هى اجمل مرحلة بالنسبة لك؟

ولماذا؟

9- حاجه في حياتك تتمنى ان الزمن يرجع للخلف لتغيرها؟

10- اول عضو اتعرفتي عليه

11 -عضو نفسك تتعرفي عليه

بكفي اسئله
اسمحي لي ان اقدم لك باقة ورد تقديرا مني لك

[مارى]

[align=right]

نهلة .... كعادتك رقيقة و كريمة ..... كل دى فاكهة ... مرسى و مرسى على الورد

- كيف تعرفتي على هذا المنتدى ؟

تعرفت على المنتدى عن طريق الصدفة البحتة .... أعتقادى انه ترتيب من ربنا اكتر ..... عند تاريخ إشتراكى فى المنتدى كنت قد إنجذبت نوعا" ما للأرثوذكسية .... و كنت دائمة البحث فى النت على مواقع أرثوذكسية بالتحديد فوجدت المنتدى .... و الحقيقة وجدت كنز ....أشكر ربنا

[quote]

2- الاعضاء الذين تحبين قراءة مواضيعهم دائما ؟

[/quote

فى الحقيقة انا بيجذبنى الأول عنوان الموضوع و بكون عارفة أن أى شىء سأقرأه لأى عضو هيعود عليا بفائدة .... بس انا بحب مواضيع ابونا بطرس

ما هو الموضوع الذي تاثرت فيه ولاتنسيه أبدا ؟

مواضيع كتير أوى .... و المواضيع اللى بنقلها لكم كمان بتكون تركت فى نفسى أثر عشان كدا بنقلها .... بس من أكتر المواضيع اللى أفادتنى هى اللى كانت بتناقش الفروق بين النظرة الأرثوذكسية و الكاثوليكية للتجسد و الفداء و الخطية الأصلية ... المواضيع دى بالتحديد غيرت عندى بعض المفاهيم

- ماذا تعني لك هذه الكلمات :

[align=right]

-الصدق : صفة أساسية يجب أن تكون فى كل انسان

- الامانه : تنبع من الصدق

- الخيانه : صدمة

- الامل : محدش بيعيش من غيره

- الغد : أخاف منه جدا" و لكنى أتركه لله

- الابتسامه : واجبة علينا و لا تكلفنا شىء

- الوفاء : نادر

- الحب : اساس الحياة

- الصفاء : نعمة إذا إمتلكها إنسان و جمال إذا كانت فى الطبيعة

– السماء : أتمنى ان أجد لى فيها مكان فى يوم ما

[/align][align=right][/align]

[QUOTE]-أي قرار بتاخديه ..... تحكمي عقلك ولا قلبك فيه ... ؟[/QUOTE

أممممممممممم ..... أحرجتينى ..... بصراحة كتير بحكم قلبى ...بس حكمى بيصيب فى الغالب

6 - ندمتي فحياتك على شي معيٌــن ؟؟

ايوه ..... ندمت لأنى لم أطور من نفسى مهنيا" .... بمعنى أن كان لازم مثلا" آخد كورسات معينة تفيدنى فى حياتى العملية اكثر ..... لكن الحقيقة أهملت فى الموضوع دا

ايه الفـرق بين الحب والصداقة من وجهة نظرك ؟

هما بيشبهوا بعض فى بعض الأمور .... الحب أصلا" كحب بكل أنواعه فيه عامل مشترك بينهم..... هو رغبتك فى القرب من إنسان ما و التضحية عشانه .... دا ممكن نلاقيه مع الأخوة ... مع الأصدقاء ... مع العشاق
لكن لكل حب أسلوب و مذاق .... بس الصداقة لازم يكون فيها حب .... و الحب لازم يكون فيه شىء من الصداقة مع فارق إختلاف المشاعر فى كل منهم

يمر الانسان بمراحل عديدة فى حياتهما هى اجمل مرحلة بالنسبة لك؟

كل مرحلة لها جمالها و أيامها الحلوة و السيئة أيضا" ...... شوفى فى نهاية عمرى يمكن أعرف أجاوب على السؤال دا بدقة أكثر ...لكن الآن مش عارفة

حاجه في حياتك تتمنى ان الزمن يرجع للخلف لتغيرها؟

مفيش حاجة معينة .... نشكر ربنا على كل شىء ..... هو بيرتب حياتى للأفضل دائما" ... و لو رجع بيا الزمن هختار نفس حياتى و إختياراتى

اول عضو اتعرفتي عليه

أخى الصغير ميناس ....... كنا بنشاغب بعض دايما".....ههههههه .... لما اشتركت فى المنتدى مكنتش عارفة انه فيه برغم معرفتى به من قبلها ..... ربنا معاه يستاهل كل خير

عضو نفسك تتعرفي عليه

طبعا" أكيد كل الأعضاء ...... بس نفسى فعلا" اشوف أبونا بطرس و أكلمه وجها" لوجه

أسئلتك دسمة يا نهلة ...... أمممم ...... انا هاخد بقى طبق الفاكهة بتاعك و اروح أحلى

[لما]

مرووووووووووووووش الغالية

سلام ونعمة




كيف الكرسي معك ؟؟؟ وانشالله ما تعبناك معنا ؟؟؟
انا عندي كم سؤال بس ..
اول واحد: ماذا تعني لك المساواة بين الرجل والمرأة ؟ وهل تؤمنين بها؟؟؟

التاني: ما هي برايك اهم المواصفات التي يجب أن بتحلى بها الرجل ؟؟ وكذلك الصفة التي تتحلى بها المرأة؟

التالت : هل الصدق يجلب المشاكل في هذه الايام؟ وان حصل وخسرت احدهم بسبب صراحتك ، كيف تواجهين الموقف ؟؟

انشالله ما يكونوا اسألتي غلاظ ودمهم تقيل