الأخت ماري في كرسي الاعتراف

[مارى]

لما .... أزيك .... كنت مستنياكى ..... يا رب تكونى بخير

كيف الكرسي معك ؟؟؟ وانشالله ما تعبناك معنا ؟؟؟
انا عندي كم سؤال بس ..

الكرسى هايل ... أول مرة ألعب لعبة حلوة كدا.... لا محدش تعبنى ... كلكم أسئلتكم لطيفة ..... شوفتينى و انا بجاوب على العولمة .... أظن بعد كدا مفيش .... محصلتش يعنى ..... هههههههههه .... انا حاسة أن بعد الكلام الجامد اللى قلته ممكن يستدعونى أحاضر عن العولمة

اول واحد: ماذا تعني لك المساواة بين الرجل والمرأة ؟ وهل تؤمنين بها؟؟؟

شوفى المساواة بين الراجل و المرأة من وجهة نظرى بتكون على المستوى الإنسانى .... يعنى هو إنسان له حقوق و أنا كذلك ... و أنا و هو متساويين فى عين الله من ناحية الكيان الكامل و الكرامة لكل منا .... أما بقى أن المرأة تقوم بأدوار الرجال بها أولى .... فأنا ضد هذا ... زى موضوع رسامة النساء فى الكهنوت ... أو أنها تنافس الرجل مثلا" فى ألعاب القوة (مصارعة - ملاكمة) ... ...أو تكون شخصية متسلطة لمجرد انها تحس أنهم متساويين ...هنا المرأة لازم تعمل Stop

التاني: ما هي برايك اهم المواصفات التي يجب أن بتحلى بها الرجل ؟؟ وكذلك الصفة التي تتحلى بها المرأة؟

الرجل لازم يكون شهم ، نبيل ، عنده كرامة ( بالمعنى الأدق يكون له أخلاق الفرسان ) .... و يعرف أزاى يحتوى من حوله و يسيطر عليهم بحسن الطباع .... المرأة من وجهة نظرى يجب ان تتحلى بالرقة و التضحية و التفهم

التالت : هل الصدق يجلب المشاكل في هذه الايام؟ وان حصل وخسرت احدهم بسبب صراحتك ، كيف تواجهين الموقف ؟؟

فى كثير من الأحيان بيجلب مشاكل .... الناس كلها انهاردة بتكذب على بعض و تنافق بعض .

شوفى... انا مش بكون صريحة فى حالة لو صراحتى ممكن تجرح مشاعر اللى قدامى .. لكن لو انا فى موقف بيتطلب الصراحة لأنه مبنى على مبدأ لا أستطيع التخلى عنه .... مش هيهمنى خسارته .... لأن صعب الإنسان يتنازل عن مبدأ مؤمن به عشان خاطر يكدب على حد تانى .... و دا حصل فعلا" فى يوم ما

انشالله ما يكونوا اسألتي غلاظ ودمهم تقيل

غلاظ أزاى و انتى عصفورة المنتدى الرقيقة

شكرا" لإهتمامك

[لما]

لما .... أزيك .... كنت مستنياكى ..... يا رب تكونى بخير

ربنا يخليكي يا اطيب مررووش بالدنيا

الحقيقة في شوية ظروف شاغلتني بس عم حاول ما اقطع عن المنتدى

وما تفكري اني نسيانتك بس كل لما قرر اسال سؤال لاقي غيري سابقني عليه

متمنية اسالك كتير اسئلة مشان اعرف طريقة تفكيرك بكل الامور واتعلم منك

بس مشان ما اتعبك ونطول عالاخوة المشاهدين رح نبعتلك رقم البرنامج ونحكيكي تحت الهوا هههههههه

[الأب نقولا]

عزيزتنا ماري...
إذا ظهر لك في يوم من الأيام فانوس علاء الدين...
وقال لك:
عندك ثلاث طلبات يمكن أن تنفذ لك، ماذا تطلبين؟

[مارى]

عزيزتنا ماري...
إذا ظهر لك في يوم من الأيام فانوس علاء الدين...
وقال لك:
عندك ثلاث طلبات يمكن أن تنفذ لك، ماذا تطلبين؟

أهلا" يا ابونا ....سؤالك لطيف أوى

أول طلب يا أبونا هيكون فلوس كتيييييييييييير أوى .... هبنى بيهم مركز كبير بأسم القديس نكتاريوس و يكون فى دار أيتام و دار رعاية مسنين و مستشفى

تانى طلب ..... هطلب ألف العالم .... و بالذات روسيا عشان عايزة اشوف كنايسها .... هفضل فيها شوية زيادة كدا يعنى .... و كمان عشان بحب البرد و التلج .... روسيا بالذات هتعجبنى كتير

التالت ..... راحة البال إذا عرف طبعا" يوفرها ..... أصل دى ربنا بس اللى بيعطيها .... بس إذا معرفش هطلب منه يرجعنى 50 - 60 سنة ورا .... أصلى مش بحب العصر دا ..... و معنديش أى إنتماء له

شكرا" يا ابونا لمرورك

و مرسى يا لما على ذوقك و كلامك الحلو

[Alexius - The old account]

طيب انا ما سألتش حد قبل كدا.. بس في سؤالين واقفين في زوري
أيه رأيك يا ماري في المناولة المشتركة؟ وأنت دلوقتي شايفة نفسك دلوقتي في أي كنيسة؟

[مارى]

طيب انا ما سألتش حد قبل كدا.. بس في سؤالين واقفين في زوري
أيه رأيك يا ماري في المناولة المشتركة؟ وأنت دلوقتي شايفة نفسك دلوقتي في أي كنيسة؟

المشتركة دى تقصد بيها ان حد يكون مسيحى غير ارثوذكسى و يتناول فى كنيسة أرثوذكسية يعنى ؟

شوف انا لو رديت عليك .... هرد ببساطة عقلى الغير متعمق بأمور اللاهوت ... و بضميرى المقتنع بما أقوله لك .... يعنى هقولك لو أنسان مسيحى وجد نفسه و هو فى كنيسة ارثوذكسية فى حالة إستحقاق انه يتناول و متأهب للمناولة قلبيا" و عقليا"... و مؤمن انها جسد و دم يسوع المسيح ... يبقى أزاى تمنعها عنه لو انت كاهن مثلا" ؟
فى إعتقادى الكاهن يحق له فقط منع المناولة عن إنسان هو متأكد انه عايش فى حالة خطية .... شخص متزوج من طرف آخر غير مسيحى .... إنسان نصاب مثلا" و بيكسب بطرق غير شرعية ..... دى أمثلة يعنى .... لكن غير كدا لا يستطيع أن يحكم على من يتقدم له بمدى إستحقاقه أو لأ لمجرد انه بينتمى لطائفة أخرى فربما يكون هو أحق بالمناولة من طابور واقف امامه من الأرثوذكسيين بالأسم

طبعا" ردى سطحى جدا" بالنسبة ليك و للمجموعة المتعمقة فى دراسة اللاهوت .... و أكيد بترفضوه .... لكن انا قلت لك اللى انا مقتنعة به

وأنت دلوقتي شايفة نفسك دلوقتي في أي كنيسة؟

لو أنسانة أمضت عمرها كله فى كنيسة كاثوليكية (مارونية) ... و مدرستها كانت كاثوليكية .... لكن لما أتيحت لها فرصة معرفة الكنيسة الأرثوذكسية عن قرب من خلال طقوسها و عقيدتها وجدت نفسها أقرب إليها من الكنيسة التى تربت فيها .... و أصبحت بتشعر بشىء من الغربة لو حضرت القداس اللى كانت متعودة عليه من سنين ... و إنها لا تنتمى للكنيسة دى برغم ما مر بها من عمر و هى فيها و برغم إحترامها لقدسيتها و محبتها الشديدة لها (كنيسة والدتى يا أخى ) .... لكن أصبحت بتشعر بشىء ما ينقصها فيها بعدما رأت ما كانت تجهلهه ......... تشوفها أنت أيه ؟ رد انت بقى

أحيانا" الإنسان لا يشعر بالنقص إلا عند رؤيته للكمال .... و أنا رأيت الكمال فى الكنيسة الأرثوذكسية .... لكن عتبى عليها أنها لا تعرف كيف تبرزه و إحتفظت به لنفسها فقط .... أو لم تعرف كيف تنير به ظلمة العالم .

سلام و نعمة