شكر خاص

[Mayda]

اخوتي الأحباء،

اسمحوا لي أن اشارك شكري وأقبل أيادي أبونا نقولا اللي من دونه يمكن ما كنتوا قريتوا ردي هذا أبداً .... أبونا نقولا من أكتر الناس اللي وقف معي بمحنتي وهو اللي نشلني منها ورجعني للحياة... ولسه بدعي ربي تنتهي هالمحنة على خير...

عنجد يا أبونا يا ريت لو كنت بعرف قدسك من زمان زمان... الله يخليك ويقدسك ويديمك فوق راسنا

ومشان محبتكم الكبيرة اللي حسيتها بصلواتكم واللي ما حسيتها ولا شفتها من أقرب الناس الي... بوعدكم إني ما انقطع عن المنتدى بعد هيك وانشالله رح تملوا مني ومن مشاركاتي وتعليقاتي

اذكروني في صلواتكم

مايدا

[Nahla Nicolas]

وانا ايضآ اقبل يديك الطاهرتين واشكرك على ما قدمته من مساعدة لاختنا الغالية مايدا
والرب يكون معك اختي مايدا ويبعد عنك كل شدة وضيقة والم
ولا يهمك ما رح انمل لا منك ولا مشاركتك لانك غالية كثير على قلوبنا
سلام الرب ونعمته تكون معك دائمآ

[karen]

عم قول ليش منور المنتدى اليوم
الحمد الله على السلامة اخت مايدا
واهلا وسهلا برجعتك نحنا اشتقنالك كتير
وممنوع من يوم ورايح تغيبي عن المنتدى
مارح نمّل ولايهمك عبي المنتدى مشاركات

[Mayda]

وانا ايضآ اقبل يديك الطاهرتين واشكرك على ما قدمته من مساعدة لاختنا الغالية مايدا
والرب يكون معك اختي مايدا ويبعد عنك كل شدة وضيقة والم
ولا يهمك ما رح انمل لا منك ولا مشاركتك لانك غالية كثير على قلوبنا
سلام الرب ونعمته تكون معك دائمآ

حبيبتي نهلة ... انت إنسانة رائعة... أنت قليل من الناس اللي ضلوا معي بمحنتي وما ملوا من السؤال عني... عنجد أنا بشكرك كتير وبشكر لهفتك الدايمة علي ولو بقدر كون معك هلأ لأعطيتك قبلة على جبينك وقلبك الحنون... الله يخليلي ياك

[Paraskivy]

فرحنا برجعتك مايدا وانشالله ماعاد بتتركينا أبدا الحمدالله عالسلامة
أنا بدي قول شغلة أختي نهلا مو بس إنسانة رائعة نهلا أم وأخت بكل معنى الكلمة الرب يخليا عراس عيلتا يارب

[Mayda]

عم قول ليش منور المنتدى اليوم
الحمد الله على السلامة اخت مايدا
واهلا وسهلا برجعتك نحنا اشتقنالك كتير
وممنوع من يوم ورايح تغيبي عن المنتدى
مارح نمّل ولايهمك عبي المنتدى مشاركات

حبيبتي كارين... المنتدى منور فيكم وبوجودكم انتوا وأنا اشتقتلكم اكتر واكتر...
رسالتك وصلتني وفرحتني كتير بس دموعك غالية علي حتى لو كانت من الفرحة!
ووعد مني مرة تالتة ما بقى غيب عن المنتدى بنوب وما بقى تشوفوا غير اسمي بصندوق بآخر المشاركات

[Mayda]

فرحنا برجعتك مايدا وانشالله ماعاد بتتركينا أبدا الحمدالله عالسلامة
أنا بدي قول شغلة أختي نهلا مو بس إنسانة رائعة نهلا أم وأخت بكل معنى الكلمة الرب يخليا عراس عيلتا يارب

الله يسلمك حبيبتي باراسكيفي... وأنا فرحانة كتير ومشتاقتلكم اكتر... الله يخليلك الأخ الغالي ميشيل وانشالله نفرح فيكم هالصيفية

وإذا بدنا نحكي هلأ عن نهلة فما رح نخلص لأن مافي كلام بيوصفها... الله يقدسها ويقدس عيلتها ويجعل حياتهم كلها فرح ونعمة

[Paraskivy]

شكرا كتير مايدا وانشالله بتكوني بكلليلنا بأيلول
وعقبال فرحتنا فيكي

[لما]

اهلاااااااااااااااا بالفرح والتفاؤل والامل

اي هيك اخت مايدا فرحينا معك

من زماااااااااااااااااااان ما حسينا بهالجو الحلو

ربنا يبارك ايامك ويضل السلام عنوان لحياتك
:sm-otl-18:

ونحن معك بنقول شكراً لابونا نقولا ....ربنا يقويك ويعطيك الحكمة بكل وقت

[Mayda]

اهلاااااااااااااااا بالفرح والتفاؤل والامل

اي هيك اخت مايدا فرحينا معك

من زماااااااااااااااااااان ما حسينا بهالجو الحلو

ربنا يبارك ايامك ويضل السلام عنوان لحياتك
:sm-otl-18:

ونحن معك بنقول شكراً لابونا نقولا ....ربنا يقويك ويعطيك الحكمة بكل وقت

هههههه .... طولي بالك علينا يا لمولوم.... فرح في موجود بس.... تفاؤل وأمل.... ما كتيررررر تشدي ايدك بس في أمل وحماس وفتح وجهاد و 18 آذار اذا بدك

يا ستي جو المنتدى دايماً حلو فيني وبدوني وبوجودك انت ووجود بقية كل الاخوة الأعضاء اللي اشتقتلهم كتير كتير