أسئلة بتجيب الجلطة

[بندلايمون]

بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :

شو نايم ؟؟*

*لأ !! عم ارقص.. بس الوضع بيوحي إني نايم*

******************************************

*معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه

إجيتوا ؟؟؟*

*لا والله لساتنا عالطريق، في عجقة بشارع جول جمال*

******************************************

*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،

بيجي حدا من أهلك بيسألك، شو رايحلك شي مشوار !!؟؟*

*لا والله طالع عالأسطوح صلّح صحن الديجتال*

******************************************

*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى

وجهه علائم الإستغراب والدهشة: بدك تحكي بالتلفون؟*

لأ شو إحكي !!! بس كنت عم جرب صوت طنة الأرقام *

******************************************

*حاطت راسك ونازل بهالكتب والدراسة، بيجي أبوك أو امك...: عم تدرس؟*

*لا والله ...!! عم غير زيت للسيارة*

******************************************

*مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي

بتجاوب: شو بتساوي اول يوم العيد ؟ أكيد بتروح بتزور الأهل والقرايب *

*لا والله بالعادة بفكر العب شدة وماروح لعندهم *

**********************************************

نفس المذيعة بتشوف ولد بالشارع وبتساله؟

حبيبي بتحب بابا وماما؟‎!!

لا مابحبهم ,وما بطيقهن , بحب البوسنة والهريسك ... يعني اكيد بحبهم


******************************************



*بتطلع بميكرو وبتحط هيك وبتطلع (خمسة)وبتعطيها للي قدامك، وبكل برودة

بيقلك: واحد ؟*

*لأ 60 واحد ؟ ورجعلي الباقي **

********************************************

*أشّر بأصبعته الكريمة لتكسي، وفعلاً وقفلو العينتين، بيسأله: فاضي؟*

*لأ ... عندي 10 طلبيات، بس وقفت حيونة*

**********************************************

*بدك تنزل من الميكرو: عاليمين زكاتك.... بتتلقى الرد: نازل ؟؟*

*لا والله بس عم جرب صوتي*


*************************************************
و تفضلوا بقبول فائق الاحترام .... بس ماتسألوني ليش انتهيت شي؟؟؟؟

[Fr. Boutros Elzein]

أسعد الله أوقاتك أخي الحبيب ضحكتنا بزمن نسَّانا الضحك
وكلماتك دوا من طبيب شافي ، متل شفيعك

باركك الرب أخي بندلايمون

[Beshara]

و تفضلوا بقبول فائق الاحترام .... بس ماتسألوني ليش انتهيت شي؟؟؟؟

شو خلصوا النكت و لا لسه؟؟؟

[بندلايمون]

شكرا لك أبي الجليل لأنك أسعدتني بقولك أن مشاركتي رسمت الابتسامة على وجهك الطاهر.

أما أنت يا بشارة

شو خلصوا النكت و لا لسه؟؟؟

[Mayda]

******************************************
*حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى

وجهه علائم الإستغراب والدهشة: بدك تحكي بالتلفون؟*

لأ شو إحكي !!! بس كنت عم جرب صوت طنة الأرقام *

******************************************

ضحكتني عنجد عنجد عنجد وهي بالذات لسه لهلأ عم اضحك عليها .... سلام

[Laura Semaan]

بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :

شو نايم ؟؟*

*لأ !! عم ارقص.. بس الوضع بيوحي إني نايم*

عنجد شكرا بندلايمون فقعتني ضحك ... وهي بالذات لأن كل يوم الصبح ستي بتفوت علي وبتقلي هل الجملة

[وسيم]

*بدك تنزل من الميكرو: عاليمين زكاتك.... بتتلقى الرد: نازل ؟؟*

*لا والله بس عم جرب صوتي*

هي بالذات بنجلط منها لأنوا بتصير معي كتير

الشوفير معلي صوت المسجلة على الآخر و لا حياتا لمن تنادي

[Gaga]

*لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت،

بيجي حدا من أهلك بيسألك، شو رايحلك شي مشوار !!؟؟*

*لا والله طالع عالأسطوح صلّح صحن الديجتال*

عنجد أسئلة بتجلط

هههههههه