البلمند

[gabi]

اليوم 27 حزيران 2008 طلاب اللاهوت في جامعة البلمند كلية اللاهوت "معهد القديس يوحنا الدمشقي" ينالون شهادات التخرج من الجامعة ألف ألف ألف مبروك للخريجين.
نتمنى ان يخدموا حقل الرب باخلاص وتفان ويرشدون المؤمنين الى نبع الخلاص

[gabi]

الناس يريدون أن يعرفوا فوراً من أي طائفة أنت ومن أي دين لكي يرتبوا طريقة للتعامل معك. لا دينك ولا طائفتك ستبهر الله ولا من تتبع. غلا14:5_15 " لأن كل الناموس في كلمة واحدة يكمل تحب قريبك كنفسك.فإذا كنتم تنهشون وتأكلون بعضكم بعضاً فانظروا لئلا تفنوا بعضكم بعضاً" .
ألف ألف ألف مبروك للبلمنديين

[petros elian]

1كورنثوس 4:13_7 " المحبة تتأنى وترفق. المحبة لا تحسد . المحبة لا تتفاخر ولا تنتفخ ولاتقبح ولاتطلب ما لنفسها ولا تحقد ولا تظن السوء ولا تفرح بالإثم بل تفرح بالحق وتحتمل كل شيء وتصدق كل شيء وترجو كل شيء وتصبر على كل شيء". كم جميل هذا الكلام هل أطبقه؟

[Maximos]

أخي العزيز gabi سلام الرب معك ..

اليوم 27 حزيران 2008 طلاب اللاهوت في جامعة البلمند كلية اللاهوت "معهد القديس يوحنا الدمشقي" ينالون شهادات التخرج من الجامعة ألف ألف ألف مبروك للخريجين.
نتمنى ان يخدموا حقل الرب باخلاص وتفان ويرشدون المؤمنين الى نبع الخلاص

إلك جزيل الشكر لنقل الخبر ..
ومنضم صوتنا لصوتك .. ومنصلي إنو يكونوا رعاة صالحين على مثال المسيح ..

الناس يريدون أن يعرفوا فوراً من أي طائفة أنت ومن أي دين لكي يرتبوا طريقة للتعامل معك.

هللأ .. ما بعرف شو جاب هالسيرة بهالموضوع ..
عادي جدا ً إنو الواحد يحاول يعرف .. لأنو على أرض الواقع .. انتماء شخص لدين أو مذهب معين .. بينعكس على طريقة تفكيرو .. و ممكن حتى على مبادؤو ..

الخطأ اللي ممكن يصير هوّي بالهدف مو بالفعل (المعرفة) ..

إذا بدّي حاول أعرف مشان حبّو إذا من عنّا .. و إكرهو إذا مو من عنّا .. أكيد غلط .. !!

أما إذا بدّي حاول أعرف .. لأعرف كيف إتعامل معو .. و لحتى ما إجرحو بكلمة .. أكيد مو غلط .. !!

لا دينك ولا طائفتك ستبهر الله ولا من تتبع.

صحيح .. لأنو أللـه من مجدو و عظمتو .. ما في شي بيبهرو ..

ووقت منعتبر حالنا بالدين و الطائفة الأصح .. :

هيّ مانا ميزة .. هيّ دينونة إلنا .. و مسؤولية أكبر من مسؤولية غيرنا ..
هالحكي بتتأكد منو من مثل الوزنات ..
وقت أنا بقول أنا ديني وطايفتي هيي الحقيقة الكاملة و بسّ .. لازم ما إنسى إنو هَيّ - معناتا - وزنات أكبر أللـه عطاني ياها .. وبالتالي بتحاسب أكتر من أي حدا ماعندو هالوزنات إذا ارتكبنا نفس الخطيئة و ما تبنا عنها ..

بنفس الوقت هالحكي ما بيعني إنو ما نحاول نعرف أيّا دين و أيّا مذهب هوّي الأصح .. أو نخجل فيه ..

لأنو هدف هالمعرفة مو هوّي التمايز عن غيرنا ..
هدف هالمعرفة إنو نقرِّب أكتر لأللـه .. من أقصر الطرق ( الطريق الأكتر استقامة ) ..

وقت ما منحاول نعرف .. هادا بيكون (حتى إذا ما شعرنا ) بيكون نقص و برودة بمحبتنا لأللـه ..

ولوو .. في حدا بيحب حدا و ما بيحاول يعرفو أفضل معرفة و بأكتر طريقة متاحة ..

بس أكيد متل ما تفضلت إنتا و الأخ بطرس اليان : هادا لازم ينعكس بقلوبنا وتصرفاتنا محبة ..

لأنو أللـه محبة : 1يو ( 4 : 8 )

ولأنو المحبة لاتسقط أبدا ً : 1كو ( 13 : 8 )


صلواتكم

[gabi]

شكرا على الرد الجميل والرائع يا اخي مكسيموس

[gabi]

جاء الرب يسوع ليغير قلب الإنسان من الداخل، فيحوله من قلب حجري إلى قلب من لحم ودم، قلب بشري بكل ما تحمل الكلمة من معنى يشعر وينبض ويحب.
"ان كان أحدٌ (فيكم) يظن انه ديّن وهو ليس يلجم لسانه بل يخدع قلبه فديانة هذا باطلة. 27 الديانة الطاهرة النقية عند الله الآب هي هذه افتقاد اليتامى والارامل في ضيقتهم وحفظ الإنسان بلا دنس من العالم".(يعقوب 26:1-27)

[Mayda]

ألف ألف ألف مبروك للبلمنديين

ألف مبروك، لتكن خدمة صالحة وحسنة وبالقداسة..

[Dima-h]

ألف مبروك للكل خدمة مباركة بإفادة العالم
صلواتكم

[Wadie]

Congratulations

[Maria Kabara]

الف مبروك للطلاب المتخرجين، وإلى نجاح اكبر وخدمة مباركة مثمرة بالرب يسوع المسيح.