هو الرب يسوع

[magedsam]

هو الرب يسوع
 لو كنت حزين مهموم او كنت جريح مكسور
والناس دايما ناسياك مش لاقى حد معين
تبقى لمين محتاج محتاج لواحد بس
هو الرب يسوع
 لو تايه وسط العالم مش لاقى ليك المرسى
والدفة معانده معاك والقلع كمان مكسور
محتاج ربان ويقودك محتاج لواحد بس
هو الرب يسوع
 بص يا صاحبى لفوق بص على العصفور
او للسماء والطير مش شايل هم لبكره
هو اللى بيقوتها هو واحد بس
هو الرب يسوع
 بص كمان للزرع او لسنابل الحقل
واقفه ثابته بطولها هوه اللى مثبتها
وهوه كمان بيعولها هوه واحد بس
هو الرب يسوع
 يا نفس يا عطشانه ياللى حفرتي الصخر
ونسيتى دم الفادى نسيت ليه المصلوب
ده الصخره والربان والمرسى والينبوع
هو واحد بس هوه الرب يسوع
ماجد بطرس سام *******
كنيسة مارجرجس عين شمس - القاهرة - مصر


الرجاء عدم وضع أرقام هواتف في المواضيع العامة... ولإخلاء مسؤولية المنتدى تم حذف الرقم من المشاركة...
الإدارة

[Alexius - The old account]

أهلا فيك أخ ماجد وبكل أهل مصر المحروسة

كما فهمت من مشاركتك بأن هذه الكلمات من تأليفك... ربنا يباركك ويقويك

وأرجو المعذرة على تعديل المداخلة أعلاه والمغفرة إن أخطأتُ بما فعلت
صوم مبارك

[Rawad]

كتير حلو .....مشكووووووووووووووووووو� �ووووووووور

[magedsam]

اشكر مداخلتك واعتذر على ذكر رقم الهاتف
واشكرك مره اخرى على تشجيع صغار النفوس

[سان مينا]

حلوة قوي يا ماجد
لو عندك ناتي قولنا عليه
وربنا معاك

[Alexius - The old account]

اشكر مداخلتك واعتذر على ذكر رقم الهاتف
واشكرك مره اخرى على تشجيع صغار النفوس

اذكرني في صلواتك أخي ماجد

[ibrahim]

برافو أخ ماجد كلام جميل جداً .... ربنا يقويك