سامحني

[LANA]

سامحني على كل دمعة ذرفتها عيونك عني و انت تصلي لي في جتسماني ..
سامحني عن كل مرة تقول لي بيها:" اني ضايج و مقهور و محتاجك تبقة سهران منتظرني " و ما تسمع مني أي جواب لأني نايم و من
تقعدني ..
و تقول لي:" تقدر تسهر تصلي لأن
روحك تريدني بس جسمك ضعيف " وما يكون غير
سكوتي دليل نومي العميق عنك..


سامحني على كل كلمة(سامحني) تكون عندي
اقوى من كلمة(قوّيني)..تخليني اطمع بحنانك
و تسامحك و يهون علي تركك بدلاً من طلبي
لقوتك اللي تخليني اشيل وياك الصليب واكمل
الطريق معك ..


سامحني بكل مرة حطيت بيها رغباتي و
مصلحتي واحتياجاتي وطلباتي و صلباني على ثقل
صليبك..


سامحني بكل مرة اقول: بكيفك (لتكن
مشيئتك) ومن يجي الوقت الحقيقي حتى اعمل بيها
اسوي اللي براسي واغمض عيني عن نورك
بعدما أضيع بظلماتي و اصرخ سامحني..


سامحني عن كل مرة اشك بصدق قولي وحتى
اقنع نفسي والمقابيلي بصحة كلامي احلف
بأسمك..


سامحني بكل مرة أشوف ساعتي خلال ساعة
قداسك وانسى ساعاتي واني على الجات..


سامحني بكل مرة تكون محتاج تشوفني
وتحجي وياية واكون اني اوفلاين يمك..


سامحني بكل مرة ابدلك بيها بتجربة تغريني واتوقع انسان غيرك يكدر يريحني وبعدما انترك بضعف ارجعلك تسامحني!


سامحني بكل مرة الومك بيها عن معاثري وثقل صليبي ..


سامحني عن كل مرة يتغلب عندي الكبرياء
والضعف قبلما اطلب المسامحة ومرات اكثر
اتمسك برأيي و هو خطأ .......
سامحني حتى اقدر أسامح نفسي.....

[Dima-h]

سامحني بكل مرة ابدلك بيها بتجربة تغريني واتوقع انسان غيرك يكدر يريحني وبعدما انترك بضعف ارجعلك تسامحني!

شكراً أخت لانا عالتأمل الرائع (هادا خليجي ولا مصري؟)
الله يقويكي....صلواتك

[Nahla Nicolas]

سامحني يا رب
سامحوني يا اخوتي
حتى اقدر أسامح نفسي.....
تأمل اكثر من رائع ممتاز
بارك الرب حياتك
صلواتك

[LANA]

[align=center]
مشكورين الرب يباركم
صلواتكم
[/align]

[John of the Ladder]

[align=justify]
شكراً لك أختي العزيزة على هذه المشاركة التي زُينت كلماتها العربية الفصحى ممزوجة بكلمات من اللهجة الخليجية ولهجة أهل شمال فلسطين بتعبيرات روحية جميلة.

صلواتك
[/align]

[LANA]

[align=center]
مشكور كتير الرب يباركك
صلواتك
[/align]