كفاكم دوران بهذا الجبل !!

[فيرينا]

" ودرنا بجبل سعير اياما كثيره . ثم كلمني الرب قائلا . كفاكم دوران بهذا الجبل تحولوا نحو الشمال " ( تث 2 : 1 _ 3 )

كتير احنا لما بنقع في تجربه صعبه أو نتحرم من شيء كنا عايزينه نفضل مركزين على حزننا وألمنا مهما مر بينا الوقت كأننا ماشيين في دائره والدائره عمرها ما هتخلص وكل نقطه فيها زي اللي قبلها وزي اللي بعدها والعمر يجرى ونلاقى نفسنا لا عيشنا حلمنا ولا قدرنا نعيش الواقع بكل حلاوته اللي معرفناش نشوفها

أفتكر قصتين للأسف حصلوا بجد

* المطرب الشهير هاني شاكر من فتره نزل اغنيه كلها حزن وغم كالعاده وهي تقريبا الحلم الجميل او حاجه شبه كدا وطول الاغنيه بتكلم عن حبيبته اللي فارقته بصراحه أغنيه تقطع القلب وتجيب روح حزن غير طبيعيه المهم حاولت اعرف ليه اغلب اغانيه حزينه فتابعته في لقاءاته التليفزيونيه وسمعته قال ان سبب حزنه ان حب واحده من 20 سنه واهلها رفضوه وهو لسه بتعذب من الصدمه دى مع العلم انه زوج وأب

بقاله 20 سنه حزين

* أمينه الخدمه حكتلنا مره عن جده نيح الرب روحها والجده دي وهي عمرها فوق ال 80 سنه كانت بتحكي ان زوجه باباها ضربتها وهي عمرها 5 سنين علقه جامده قوي وكل ما تحكي الحكايه دي تفضل تعيط

تيته دي الله يرحمها فضلت شايله الهم والالم اكتر من 75 سنه طب ليه !!!!

صحيح وعادي جدا أننا نتجرح ونتألم بس ربنا أدانا نعمه كبيره وهي النسيان وأفتكر بولس الرسول قال

" ولكني أفعل شيئا واحدا اذ أنا أنسى ما هو وراء وأمتد الى ما هو قدام " ( في 3 : 13 )

بس علشان نكون واقعيين مش ديما بنقدر ننسى او نغفر الالم الصعب دا او نتقبل مستقبلنا اللي كله أتغير بسبب الظروف

بس في ديما حل ولينا ديما رجاء في المسيح بس المشكله الحقيقيه هل احنا بنطلب تدخله في أنه يشفي مشاعرنا المجروحه او يفهمنا الامور اتلخبطت كدا ليه هل بنعلن عجزنا عن حل الجرح دا

تعالوا نفتكر الابرص قال ايه للرب

" يا سيد ان أردت تقدر أن تطهرني . "

الابرص طلب علشان كدا رد الرب عليه بسرعه

" فمد يسوع يده ولمسه قائلا أريد فأطهر " ( مت 8 : 2 _ 3 )

الرب بسرعه مد ايده ولمسه بسرعه جت الاستجابه لانها كانت من قلب تعبان طلب المعونه بشده بس هي مكنتش معونه عاديه دي كانت كمان رغبه شديده عند الرب يسوع أنه يشفي أبنه

أيوه الرب بيحب يشفى اولاده نفسيا وجسديا وروحيا بس نطلب منه , مشكلتنا اننا بنقفل على نفسنا ونسيب دماغنا لأبليس يملاها كلام عن الفشل والضياع والنهايه كلام كله كذب في كذب

كمان لما نطلب معونه ربنا لازم نتأكد انه ابتدا يتدخل في الامر ولازم نستوعب التغيير اللى حصل بلاش نعمل زي عادل امام في الفيلم ونصرخ ونقول صباعي وصباعنا خف خلاص

" وأنا درجت أفرايم ممسكا أياهم بأذرعهم فلم يعرفوا أني شفيتهم , كنت أجذبهم بحبال البشر بربط المحبه وكنت لهم كمن يرفع النير عن أعناقهم ومددت اليه مطعما اياه " ( هو 11 : 3 - 4 )

اسمحله انه يفك النير وحس ان النير أتفك

( النير هو الخشبتين اللي شايلين الثقل اللي بيركب في رقبه الدابه )

_________________________________________

تشفي برحمه القلوب وتشدد عزم الضعاف وسنين أكلها الجراد هتعوض عنها أضعاف

وتعود وتدي جمال عوضا عن الرماد تغمرنا بشاير فرح

تسبيح تسبيح تسبيح بدل النواح

[Rawad]

عنجد يا فيرينا وجودك وبدون مجاملة بركة كبيرة للمنتدى من الله ...........وانا
مع كل افراد المنتدى ما بقا منسمحلك بالغياب ابدا عنّا

لأنو اللي بيكتب هيك مشاركة اكيد انسان بار وعلى طريق القداسة

الله يباركك

[فيرينا]

ربنا يخليك بجد مش عارفه اقولك ايه على الكلام الجميل دا .. دا انا اللي وجودي معاكم بركه كبيره ليا بس بصراحه انا مش كدا خالص صليلي اني اكون عرفت ربنا صححاضر يا فندم مش هغيب تاني هي بس مره كمان اول شهر 8 بس هتبقى فتره صغيره ربنا يباركك ويستخدمك لمجد اسمه القدوس

[Beshara]

تسبيح تسبيح تسبيح بدل النواح

شكرا شكرا شكرا يا فيرينا .
بركة الرب معك

[فيرينا]

شكرا ليك على المشاركه يا بشاره ربنا يبارك حياتك ويستخدمك لمجد اسمه ........... معاك حق الترنيمه دي حلوه قوي واسم الشريط بشاير فرح لفريق الحياه الافضل ربنا يبارك خدمتهم

[adel baket]

الله يافيرينا على الكلام الرائع الرب يبارك خدمتك وحياتك

[فيرينا]

شكرا ليك انت دا بس من زوقك ربنا يبارك حياتك ويستخدمك لمجد اسمه

[الأب يوحنا]

شكراً أخت فيرنا

ومتل ما بيقولوا النسيان أكبر نعمة للإنسان

بتوقع أنو لازم نتعلم العبر من التجارب الصعبة ولازم ننسى الحزن اللي بتسببوا إلنا

[odeh jubran]

شكرا لك اخت فيرينا كما قال اخي رواد انت بركة لهذا المنتدى نعمة وبركات ربنا ومخلصنا يسوع المسيح تكون معك الى الأبد واكرر شكري لكككككككككككككككككككككككككككككككككككككككك

[فيرينا]

ابو الياس ........... انا معاك في رأيك لازم الانسان يستفيد من كل تجاربه ويتعلم منها بس ياخد الدرس ويعيش حياته ويكمل دنيته ...... شكرا ليك على مشاركتك ربنا يباركك ويستخدمك لمجد اسمه

odeh ................. ربنا يخليك دا بس من زوقك وصدقني انت ورواد واخدين فيا مقلب انا مش كدا خالص ........... ربنا يباركك ويستخدمك لمجد اسمه وشكرا الك كتييييييييييييييييير