فكرة و آية

[basemhindeleh]

الأخوة الأحباء خـُدّام مدارس الأحد،

المَلفات المُرفقة مع هذا الموضوع عبارة عن برنامج اتبعته مع أولاد فرقة القديسة تقلا (13-14 سنة) اللي كان عندهن شوية تراخي في قراءة الكتاب المقدس. قعدت مع الأب الروحي لطلاب المركز و سألته عن الأمور اللي بتهم الأولاد في حياتهن الروحية و ببركة ربنا حاولت إني أعملهن قراءات يومية غير طويلة بحيث إنو كل القراءات تبعة الأسبوع بتركز على موضوع من هالمواضيع اللي زكرهن أبونا و الولد بكتب بخانة معينة فكرة خطرت بباله أو آية لمست قلبه، و في نهاية الأسبوع نتناقش مع بعض بموضوع الأسبوع و بصراحة يا أخوة الأفكار اللي طلعت من الأولاد كانت مذهلة و غير متوقعة .

ختاماً، بتمنى إنو أكبر عدد ممكن يستفيد من هالموضوع .

صلواتكم :
+ فاسيليوس

[Seham Haddad]

اهلا وسهلا بك اخ basemhindeleh

فكره حلوه كتير

ننتظر منك المزيد من المواضيع

ربنا يبارك تعب محبتك

صلواتك

[wafaa elias]

شكرا الك اخي باسم
الحقيقة ممكن الفكرة كمان تمشي مع الاكبر سنا .
الله يقويك لعمل الخير.

[basemhindeleh]

شكراً إلكن يا أخوة على محبتكن،

أكيد الموضوع ما رح يوقف هون، و هاي الفكرة ممكن تتطبق كمان على مواضيع تانية بتهم الأولاد في حياتهن اليومية و بتساعدهن على النمو في الحياة الروحية. أذكر على سبيل المثال لا الحصر : التواضع، الأخلاق المسيحية، الفضول ... ألخ

+ صلواتكم

[Seham Haddad]

نحن بالانتظار

[Nikolas]

[align=center]
مشكور أخي الحبيب
فكرة كتير حلوة وبعتقد انها فعالة
[/align]

[basemhindeleh]

هادا التحدي التاني اللي حذفته امبارح بعد ما شلت منه الأيقونات المقدسة لأنو حجمه كان كبير .

[Maximos]

أخي الحبيب باسم ..

إلك جزيل الشكر على محبتك و مشاركاتك الحلللللللللوة

أما بالنسبة لحجم الملفات الكبيرة و اللي ممكن ما تقدر تحطها بالمرفقات :

1- فيك تحمّل على موقع مشاركة متل :
www.mediafire.com
و بتحط هون الرابط ..
2- بالنسبة لحجم الصور : فيك تصغّر الحجم ببرنامج بسيط ( ACD ) .. و ما بيتطلـّب كتير خبرة ..



الرب يكافي تعبك حبيبنا ..

[باتريسيا]

فكرة رائعة جداً