ضروري ضروري تشارك!

[Allos]

سلامات سلامات يا أخوتي الأعزاء

اليوم جايب معي إقتراح حلو كتير كتير

و بتمنى من الكل يوضعو مشاركاتهم و يشاركو بالإستفتاء

الإقتراح كالتالي:

يا شباب و يا صبايا.... كنت عم فكر نضيف قسم جديد للمنتدى يسمى " القسم الطبي"

و يتضمن الاقسام التالية:
القسم الأول: "صحتك بالدنيا" : و يتضمن عادات صحية و نصائح بسيطة....
القسم الثاني:" الأخبار الطبية" : و يتضمن أخر ما توصل إليه العلم في مجال الطب و الصيدلة.....
القسم الثالث:"خليك عالطبيعي": و يتضمن موضوع الطب الشعبي و العلاج بالأعشاب.....

لأنو الإنسان لازم يعتني بصحة جسده و سلامته متل إعتنائه بالغذاء الروحي و الصلاة

و أكيد اللي عندو إقتراح أو فكرة إضافية ..... رح تؤخذ بعين الإعتبار

و كنت حابب خبركم اني أنا طالب صيدلة سنة ثالثة

و عندي معلومات طبية جيدة و عن طريق هذا القسم بمعونة الرب رح وصللكم قدر إستطاعتي

بقا بتمنى من الجميع الإجابة عالإستفتاء لأنو يا حلوين بناءاً على أراأكم القيمة رح يقرر الأخ ألكسي الغالي إذا رح نضيف القسم أو لأ.....

و على فكرة أنا كتير حابب ينضاف القسم للمنتدى لأنو أكيد رح يساهم بتقدمه و تطوره و ليس العكس

كما أنني أخذت على عاتقي دعم هذا القسم بكل إستطاعتي

و في النهاية بحب قول المسيح معكم جميعا

أخوكم بالمسيح الياس

[Rawad]

انا برأيي المشروع ناجح وانت لازم تاخد على عاتقك الاشراف عليه وتطويره وانجاحه...............

[Beshara]

اقتراح جميل جدا يا ألوس الله يقويك و لا تنسى كمان معنا الأخ نجيب قرنوب هو صيدلي و أكيد رح يساهم كتير معك إذا تم تثبيت هالقسم...
بس بكرى إذا سألناك شي سؤال ما تشوف حالك علينا !!!!!!!!!!!!!!!!!!

[Alexius - The old account]

سلام
قبل أن نقوم بالإجابة على هذه الفكرة المطروحة يجب أولاً أن نجيب عن السؤال التالي:
لماذا أنت تدخل إلى هذا المنتدى؟
هل تبحث عن معلومة ثقافية؟ هل تبحث عن معلومة فنية؟ هل تبحث عن معلومة طبية؟ هل تبحث عن مناقشات سياسية؟ أم أنت هنا من أجل المعلومة الدينية والتثقيف الروحي؟

أعتقد فتح قسم فرعي ضمن "القسم الثقافي والعلمي" تكفي للتوعية نوعاً ما وليس للتخصص... هذا رأيي ولكن إن كان هناك إجماع فأنا مع الجماعة...
صلواتكم