هل الصور مكرمة

[Rabah]

ماذا عن الصور او ما يسمى حسب اعتقادي (لوحات) لقديسين او للسيد و السيدة ..هل هي مكرمة مثل الايقونات ؟
و هل يجب الصلاة امامها ؟
لدينا لوحة العشاء السري في هيكل الكنيسة , هل هذا صحيح و ايقونة نافرة (كلها من معدن وليست مرسومة رسم ) هل يجب ان ننظر لها نظرتنا للايقونة الاورثوذكسية ام لا ؟
بصلواتكم .

[Maximos]

بعتذر عن التأخير حبيبنا الغالي ..
بس أنا قلت بلكي شي حدا بيشرحها بشكل أوضح مني ..
و يا ريت إذا بيتم هادا كمان بعد هالمشاركة ..

نحنا بالكنيسة الأرثوذكسية ( = الروم الأرثوذكس ) منتعاطى و منتعامل بس مع الأيقونات ..

الصلا قدامها .. و تكريم أشخاصها عبر هالأيقونات و بس ..

و إجمالا ً اللوحات الغربية بكنيستنا مو لازم تكون موجودة .. فقط أيقونات ..

أغلب الأخوة و الآباء بيعتبروا إنو هاللوحات كأنو شي منيح .. بس مو القانوني .. أو مو النظامي ..

أنا بنظرلها على إنو تشويه .. لأنو عم تحاول تكون بدل الأيقونات و أحيانا ً عم تحل محلها ( حسب معرفة القائم بالموضوع ) .. أما جانب التشويه اللي عم إحكي عنو .. بيكمن بإنو عم تقدم شي أقل مستوى بكتييييييييييييير .. لأنو هيي بتقدم صورة أرضية للشخص المرسوم فيها .. بينما الأيقونة هيي صورة من الملكوت ..

مشان هيك من قوانين الأيقونة إنو الظل و النور ما بيكون عم يجي من جهة معينة عالأيقونة .. بل بالعكس .. بيكون مصدر النور من داخل الوجه ..

و على سيرة إنو الأيقونة صورة من الملكوت .. تفاجأت بمحاولة لرسم أيقونة للشهيد الحديث القديس فيليمينوس .. لأنو راسمينو بـ ( الأيقونة ) إنو لابس نضارة ( شروانا أنا و ياك ) .. بينما هادا بيتعارض مع كونها صورة ملكوتية .. ( طبعا ً هادا ب"أيقونة " وحدة .. الباقي لأ ) ..

بتمنى يكون جوابي وصل الفكرة .. و بتمنى من اللي عندو إيضاح أكبر ما يبخل علينا ..

صلواتك خيي رباح ..

[Elie Hazeem]

عزيزي Rabah يجب عليك فهم النقاط التالية قبل كل شيء :
تمثل الأيقونات الوقار في الكنيسة الأرثوذكسية حيث نرى في أغلبيتها
تدويناً للعهد الجديد بالأيقونة كذلك أيقونات لقديسين ومشاهد من حياتهم كذلك صور لأنبياء العهد القديم
حيث نجد اللون الذهبي يكثر في تلك الأيقونات في العهد الجديد والذي هو يرمز إلى المملكة السماوية والذي يعبر عنه راسمو هذه الأيقونات الأيقونات إلى العمق غير المحدود لكي يدرك كشفه

هذه الأيقونات في كنيستنا ثنائية الأبعاد وذلك للسماح للمشاهد والتمكن من تأكيد التصوير بشكل أولي والوصول إلى حقيقة روحية بدلأً من الحقيقة المرئية
والتأكيد على أن هذه الأيقونات هي صور مكتوبة وانجيل للذين لا يقراؤون
بينما الصور ثلاثية الأبعاد تجعل من يشاهدها يدرك حقيقة جمالية فقط عاطفية
وخصوصاً الأتية من الأفلام المصورة لسيدنا يسوع المسيح وهي صورة للممثل وليست صورة للسيد أو للسيدة