لنتعلم الحكمة @ العهد القديم

[Maximos]

هادا الموضوع رح يكون جولة في كنوز العهد القديم ..

أنا واثق إنو كتار اللي رح يندهشوا من اللي رح يشوفوه هون ..
خصوصا ً إنو في كتير جهات عم تسفّه بالعهد القديم و تصوّرو بشكل سيء ..


العهد القديم .. هوّي الأسفار اللي انكتبت قبل التجسد الإلهي .. ( ما حدا يقول بعرف .. بعرف إنو بتعرفو ) ..

46 سفر ..

في منها عشر أسفار حذفها البروتستنت و اليهود ..
أما الكاتوليك اعتبروها " أسفار قانونية ثانية " ........ !!!!!

و بداية رحلتنا رح تكون بمقطع من واحد من هالأسفار العشرة ..
و هادا السفر كتيييييييييير حبيتو ..

حكمة يشوع بن سيراخ

يا بني إن أقبلت لخدمة الرب الإله
فاثبت على البر و التقوى
و أعدد نفسك للتجربة ( 2 : 1 )

هللأ موضوع إنو إذا اقبلت لخدمة الرب فاثبت على البر و التقوى .. مفهوم و مفروغ منو ..

أما النقطة اللافتة .. هيي : (( أعدد نفسك للتجربة )) .. في شي حدا غيري استغرب ؟؟

طيب .. شو دخل هيّ بـ هيّ ؟؟؟ خدمة الرب .. و التجربة ..

خلينا نشوف نقاط النفوذ شو عم يصير فيها ..

الشيطان الملعون الرزيل رح يلاقي إنو عم تفلت من إيدو ..

إي شو بيسكتلك ؟؟ أكيد لأ يا حبيب .. أكيد رح يبللش بمحاربتك و إنو يحاول كلللللللللل جهدو "يفشكل" مسيرتك الروحية ..
الزلمي كان ضمنانك .. و بدو ياخدك بس تموت - بعد عمر طويل - يعزمك على حفلة مشاوي بجهنم .. بتجي بتتركو و بدك تروح تخدم الرب و بالتالي تروح لعند الرب عالملكوت .. !!


اما نقطة النفوذ الرئيسية .. أللـه .. هوّي أكيد مبسوط إلك إنو تارك الشيطان و جايي لعندو .. لأنو بيحبك و بدو ياك تكون بالفرح الأبدي عندو .. مو على باربكيو الشيطان ..

و أكيد أللـه رح يلاحظ إنو الشيطان عم يحاول يوقّعك
و أكيد أللـه بيحبك .. فا ... شو بتتوقع يعمل ؟؟؟؟

عندك 3 احتمالات :

1- ما يحميك بالمرة : ولووووووووو .. أكيد ما بيعملها .. لأنو بيحبك و بدو ياك توصل لعندو عالملكوت ..

2- بيحميك من كللللللللل التجارب .. بهالحالة - حبيبنا - بتطلع متل جندي ما عمل أي تدريبات .. نايم .. ضعيف .. و مشان هيك .. كمان هيّ أللـه ما بيعملها ..

3- بيحميك .. بس مو بشكل كامل .. بيترك منفذ زغييييييييييييير إنتا تتولى الدفاع فيه .. و بيعطيك قوّة إنو تدافع عن حالك ..
و بهالحالة يا إما بتدافع عن حالك و بتربح .. و بهالدفاع بتكون اكتسبت قوة .. و هيك أللـه بدو ياك .. قبضاي ..
يا إما بتتكسلن .. و بتتراخى .. و بهيك حالة بيكون هادا ذنبك بيكون كسلك و تراخيك هوّي اللي خللاك توقع بفخ الشيطان ..

بس .. على فكرة ........ حتى بهالحالة أللـه ( بما إنو بيحبك ) بيعطيك فرصة جديدة ..
فيك تستفيد منها إذا عندك إحساس و مو متنبل

هالسقوط اللي إنتا صرت فيه هوّي كمان فرصة و حافز إلك إنو ترجع تتوب و توقف على رجليك و تتابع من جديد ..

يعني بالمشرمحي .. عاطيك كوووووووومة فرص .. بس إنتا شدّللي حالك و خلليك قبضاي ..

متل بطرس الرسول .. اللي حتى بعد ما أنكر المسيح ( شوف على هالعملة ) .. رجع تاب من جديد .. و وقّف على رجليه من جديد ..
رجع بقوّة و زخم أكبر من الأول .. و تابع مسيرتو الروحية و الجهاد الروحي لحتى صار قديس ..



تشدد و تشجع لا ترهب و لا ترتعب
لأن الرب إلهك معك حيثما تذهب ( يشوع 1 : 9 )

لأن اللـــه مـــعــنـا


آمــــيـن

[Dima-h]

متل بطرس الرسول .. اللي حتى بعد ما أنكر المسيح ( شوف على هالعملة ) .. رجع تاب من جديد .. و وقّف على رجليه من جديد ..

شو هالحلووووووووووو أخ مكسيموس
الله يقويك.......صلواتك

[Maximos]

شكرا ً لمرورك الحلو اختي العزيزة ديمة ..

[Maximos]

اليوم .. وقفة مع مقطع كمان من نفس السفر .. حكمة يشوع بن سيراخ

هادا المقطع ما بعرف شو إحكي عنو ..

بحسّ إنو لازم إنحني لما إسمعو ..

بلا طول مقدمات .. بيحكي عن كيف لازم نعامل أهلنا : الأب و الأم ..

كتار منا ما بينتبهو كيف لازم يعاملوهم .. و كتار بيغرقو بالشي اللي بيسمّوه ( صراع الأجيال ) .. و إنو هنّي بعقلية و نحنا بعقلية .. و إنو ما عم يفهمونا .. و إنو عم يحاولو يتسلطو علينا .. الخ الخ الخخخخخخخخخخخ ...

بس ما بتلاحظو إنو هيّ نظرة محدودوة ؟؟ .. أفق ضيّق .. ؟؟

و الأنكى من هيك إنو الواحد بيكون ببالو حالو عم يحكي بعلمية و أفق متسع .... و إنو عم يحيط بالموضوع من كل جوانبو النفسية و الاجتماعية و ... و ...

بس عم ننسى أهم جانب بالموضوع .. الجانب الإلهي .. الجانب الأبدي ... جانب البركة ..

هادا أكتر جانب بيشتغل و بيأثر بحياتنا ..
و مع هالشي هادا - غالبا ً - آآآآآآآآآآخر جانب مننتبهلو ..


بكل الأحوال خلينا نقرا شو مكتوب عن هالموضوع :

الأصحاح رقم 3

1 بنو الحكمة جماعة الصديقين و ذريتهم أهل الطاعة و المحبة*
2 يا بني اسمعوا أقوال أبيكم و اعملوا بها لكي تخلصوا*
3 فإن الرب قد أكرم الأب في الأولاد و أثبت حكم الأم في البنين*
4 من أكرم أباه فإنه يكفر خطاياه و يمتنع عنها و يستجاب له في صلاة كل يوم*
5 و من احترم أمه فهو كمدخر الكنوز*
6 من أكرم أباه سر بأولاده و في يوم صلاته يستجاب له*
7 من احترم أباه طالت أيامه و من أطاع أباه أراح أمه*
8 الذي يتقي الرب يكرم أبويه و يخدم والديه بمنزلة سيدين له*
9 أكرم أباك بفعالك و مقالك بكل أناة*
10 لكي تحل عليك البركة منه و تبقى بركته إلى المنتهى*
11 فإن بركة الاب توطد بيوت البنين و لعنة الام تقلع أسسها*
12 لا تفتخر بهوان أبيك فإن هوان أبيك ليس فخراً لك*
13 بل فخر الإنسان بكرامة أبيه و مذلة الأم عار للبنين*
14 يا بني أعن أباك في شيخوخته و لا تحزنه في حياته*
15 و إن ضعف عقله فاعذر و لا تهنه و أنت في وفور قوتك فإن الرحمة للوالد لا تنسى*
16 و باحتمالك هفوات أمك تجزى خيراً*
17 و على برك يبنى لك بيت و تذكر يوم ضيقك و كالجليد في الصحو تحل خطاياك*
18 من خذل أباه فهو بمنزلة المجدف و من غاظ أمه فهو ملعون من الرب

[Nahla Nicolas]

مجهود رائع جدااااا

الرب يباركك اخي

العزيز ويبارك تعبك

بالمحبة والبركة

وننتظر المزيد

[Georgette Serhan]

لا تفتخر بهوان أبيك فإن هوان أبيك ليس فخراً لك*
13 بل فخر الإنسان بكرامة أبيه و مذلة الأم عار للبنين*
14 يا بني أعن أباك في شيخوخته و لا تحزنه في حياته*
15 و إن ضعف عقله فاعذر و لا تهنه

يا ريت كل الناس تنتبه لهالنقطتين لأنو إذا منطلع حوالينا منلاقي دور المسنين مليانة
كل واحد بلاقي حجة تايحط أهلو بالمأوى ساعة ما في وقت ساعة ما في حدا ينتبهلن
وهني ذاتن هالأشخاص إذا منِطَّلع علين منلاقين عم بلاقو وقت لكل شي من سهرات وحفلات
وإستقبالات وغيرو وغيرو........ بس ما في وقت لأهلن
كتار خينا مكسيموس منلاقين بيستحوا بأهلن لما يحكوا أو لما يعملوا أي شي وبينسوا
إنن بيوم من الإيام راح يوصلوا لنفس ألمطرح أكيد ما ذكرنا هون طاعتهم لكلام ربنا وتعاليمو
لأنن لو بيعرفوها ما كانو تصرفوا هيك
صلواتك خيي مكسيموس ألله يبارك تعبك

[ميمو بنت المسيح]

تشدد و تشجع لا ترهب و لا ترتعب
لأن الرب إلهك معك حيثما تذهب ( يشوع 1 : 9 )
ميرسى خالص على الموضوع الرائع ده
ربنا يبارك فى تعبك

[Seham Haddad]

رائع



عجبني الموضوع والاسلوب يلي متبعه اخي مكسيموس

بارك الله حياتك

ننتطر المزيد

[salma]

Πολυ........οραια

[Nahla Azar]

باسم الآب والابن والروح القدس

إلى الأخ العزيز مكسيموس

أسعد الله أوقاتك ، وصباح الخير
بدايتاً ؛ أود أن أشكرك على طرحك لهذا الموضوع الهام والمفيد جداً .. فبالنسبة ليّ لم أقرأ جميع أسفار العهد القديم .. كنت أقرأ بها أحياناً لمعرفة أين ذُكرت النبوءات ولكن لم ألحظ هذه الآيات التى ذكرتها .. وسأحاول -إن شاءالله- أن أرجع إلى أسفار العهد القديم لمعرفة المزيد عن هذا الموضوع ..

ولكن عزيزي لي ملاحظة على لغتك العربية العامية!!!! أعتقد لو قرأ موضوعك (سيبويه) .. لسقط مُغمياً عليه!!!! بمعنى آخر (خربت) اللغة العربية الأصيله .. مرة أخرى أشكرك على جهودك ، وبانتظار المزيد من مشاركات ..

الله يعطيك الصحة والعافية