لماذا ترفض الأرثوذكسية نظرية الكفّارة

[Maximos]

حبيبنا أوريجانوس .. رح حاول بسّط الموضوع ..

آدم أخطأ .. شو اللي تغيّر بهالخطيئة ؟؟؟؟؟؟؟؟؟

هل اللـه تغير ( حاشى ) = كان رضيان و صار غاضب .

أم آدم هو اللي تغيّر = كان على صورة اللـه و تشوّه بالخطيئة ؟؟؟



فا .. بما إنو آدم اللي تغيّر .. لازم يتم إصلاح هادا الخلل ..


سؤال .. متى تغيّرت الطبيعة البشرية ؟؟

هل بالتجسد ... أم بالصليب ..؟؟؟؟؟؟؟


خلاصة الكلام : أخوتنا الغربيين ركزوا على مفهوم الكفارة ..

مفهوم الكفارة ما فيه تصليح عطل .. فيه دفع ثمن شيء انكسر ..

أما خلاصنا فا هوّي بيكون عن طريق الإصلاح ..



إذا كان الموضوع ( دفع ثمن ) .. شو فايدة المناولة ؟؟؟

وقت بيكون الموضوع ( إصلاح عطل ) بتكون المناولة هيي اتحاد بالمسيح .. لنكون أعضاء بجسد المسيح .. و هيك بيكون تم الإصلاح لأنو بالمسيح تنتفي الخطيئة ..

فا .. بالمناولة منصير أعضاء جسد المسيح .. و منسعى إنو ما نبتعد عن هالجسد و ننفصل عنو بالخطيئة ..

مشان هيك المناولة المتواترة كتييييييييييييييير ضرورية و أساسية ..

لأنو الخطيئة عم نسقط فيها .. فا .. منرجع منتوب و منتناول من جديد لنبقى بالمسيح .. لأنو المسيح هوّي حياتنا و محبتنا إلو ( اللي هيي جواب محبتو إلنا ) بتدفعنا للاتحاد فيه على قدر استطاعتنا ..
و من ناحية تانية نحنا ما منعرف ساعة موتنا .. و منسعى لنكون وقت الموت كمان مع المسيح و أعضاء بجسدو مشان نقوم بالمسيح ..


انشاللـه يكون هيك أوضح ..


صلواتك

[athnasi]

أبونا الغالي بطرس

وانا زيك بغير منهم وبفتقر لاسلوبهم
وبشكر ربنا على وجودي معهم في هذا المقام المبارك الذي ينعش معرفتنا ويحرك فتورنا.
الكسيوس وطناسي اساتذة،
ربنا يباركهم

شو هالحكي يا أبونا ؟

الله يخليك ! هلق منصدق حالنا !

أنا عن نفسي أعرف أنك مغشوش فيّ جداً.

وإذا كنا نعرف بعض المعرفة, بفضل نعمة الله علينا.

ولكننا نفتقر إلى ما عندك, و هو الأهم , أقصد المحبة, واللطف , وطول الأناة, والوداعة ,.... وهي كلها من نعم الروح المعزي الصالح الذي اقتبلته في كهنوتك.

وحافظت عليه كوديعةٍ ثمينة, عارفاً أن الرب سيسألك عنها عندما تقف أمام منبره المرهوب المقدس.

أنا عن نفسي , أعرف أنني سريع الانفعال, وقصير الأناة.

ما ينقصنا يا أبونا أن نفهم ونعرف كيف نتمم قول الرب لنا:

(أيها الإخوة إن انسبق إنسان فأخذ في زلة ما, فأصلحوا أنتم الروحانيين مثل هذا بروح الوداعة, ناظراً إلى نفسك لئلا تجرب أنت أيضا, احملوا بعضكم أثقال بعض, و هكذا تمموا ناموس المسيح, لأنه إن ظن أحد أنه شيء و هو ليس شيئا فإنه يغش نفسه) غلا 6-1

لذلك نرجو ونطلب صلواتك يا أبونا




طاناسي