Delete واحدة كافية لإنهاء أي علاقة عاطفية!!

[Georgette Serhan]

سيطرت التكنولوجيا على كل شيء تقريباً في حياتنا، وأصبحت أسهل وأسرع طريقة لأي إنهاء علاقة، فقط بكبسة واحدة، حيث تزايد عدد الأشخاص الذين يفضلون استخدام البريد الالكتروني ومواقع التواصل الاجتماعي على شبكة الانترنت في إنهاء علاقتهم مع الطرف الآخر.


هذا ما أظهره استطلاع للرأي أجرته شركة "ديت ذا يو كيه" لخدمة ترتيب اللقاءات والمواعدة. وجاء فيه أن %34، من 2000 شخص شاركوا في الاستطلاع، قالوا إنهم أنهوا علاقة عاطفية عن طريق البريد الالكتروني، وقال %13 إنهم غيروا حالتهم الاجتماعية على موقع "فيسبوك" دون إخطار شركائهم، وأعلن %6 أنهم قاموا بإذاعة الخبر بشكل منفرد عبر موقع "تويتر". بالمقابل قال %2 فقط إنهم أنهوا العلاقة مع الطرف الآخر عن طريق sms. وأنهى الباقون (%38) علاقتهم عن طريق المحادثة وجهاً لوجه، مقابل %8 أنهوها عن طريق الهاتف الأرضي.

وعلق شين وود، مدير شركة "ديت ذا يو كيه" على النتائج، قائلا: "الوسائل الرقمية (الديجيتل) تسيطر على كل شيء قريبًا عندما يتعلق الأمر بالأمور العاطفية"، مضيفاً "إنها طريقة أسهل وأسرع، وتجنب الشخص أي سوء فهم".

[Gerasimos]

أنا ما بعتقد إنو هيك أمر صحيح (ممارسته)
العلاقات الإنسانية الصحيحة لا تنتهي بـ Delete
الله يرحمنا

[Georgette Serhan]

أخي جيراسيموس
ما تتعجب انو وصلنا لهون نحنا بزمن ما يعلم فيه الا ربنا
وهيدي الحالات كتير اليوم موجودة ومستعملة جدا''
وكل عذرهم انهم بذلك يوفرون الالم على الشخص المقصود
فينهون حياة'' كريمة ويحكمون عليها بالموت وكل ذلك بكلمة
شكا'' لمرورك وربنا يبارك ايامك

[شيم]

أنا ما بشوف انو السبب هوي تخفيف الألم عن الطرف التاني أو حتى تجنباً لسوء الفهم
أنا بعتبر انو هيك تصرف لإنهاء علاقة هوي تصرف جبان لأنو ما حدا قدران يواجه هيك موقف أو ما عندو استعداد يستقبل ردة فعل الطرف الآخر..

واسه الأسوأ من كل هاد لما حدا بينهي علاقتو العاطفية بلا ما يخبر الطرف التاني لا برسالة ولا بتليفون ولا حتى عالانترنت ولما بيسألو الشريك عن السبب ببساطة بيبعتلو رسالة عالموبايل بيعتذر منو وبينهي علاقتو فيه من دون أي شروحات مع أنو هاد أبسط حقوق الطرف التاني بأنو يعرف شو خطأو لحتى هيك صار ولما بيكون اللي اعتذر عندو حجة قوية وصحيحة ومفنعة بيحكي أما إذا لاء بيهرب بهي الطريقة..

اسه طولو بالكن كم سنة ورح يصيرو أهل البيت يحكو مع بعضن عالانترنت..

التكنولوجيا ألغت أي علاقة إنسانية تبادلية بين الناس وهي قمة الغلط تحولو الناس لآلات وما عاد ميزو بين الحكي الطبيعي والحكي عالانترنت..

[Georgette Serhan]

معك حق اختي شيم
اليوم كل التصرفات صارت خالية من الانسانية
واغلبها تصرفات جبانة منشان هيك اخترعولن هالخدمة لانها خاصة بالجبناء
الانسان المحترم بينهي اي شي بحياتو باصول واحترام ومراعاة ربنا بكل شي
بس للاسف كل شي سائر نحو الخراب وبحجة التكنولوجيا اللي صار الانسان الها عبد
شكرا'' لمرورك